Lekciya № Test dúziw hám test járdeminde bilimlerdi qadaǵalaw Reje

Juwabı jazılatuģın test. Ximiyanı dáslepki úyreniw protsessinde oqıwshılarģa qoyılatuģın tiykarģı talap ximiya tilin jaqsı ózlestiriw, yaģnıy ximiyalıq elementlerdiń belgilerin, zatlardıń formulaların, reaktsiya teńlemelerin erkin jazıp biliwi. Sonıń ushın oqıw protsessinde 8-klass oqıwshılarınıń ózlestiriwin tekseriwde juwabı jazılatuģın testlerden paydalanıw áhmiyetli bolıp esaplanadı. Bunday testti 3 túrge bóliw múmkin.
Ximiyalıq quramdı bildiriwshi test. Bunday testlerde elementtiń berilgen atına qarap, onıń belgisin jazıw, zattıń atına qarap, onıń formulasın jazıw, soraw shártine muwapıq reaktsiya teńlemelerin jazıw hám bulardıń kerisin túsindiriwshi sorawlar beriledi. Test tapsırmalarında tochkalar menen kórsetilgen, juwabı jazılatuģın jeri qaldırıladı hám olardıń barlıģı durıs juwap jazıwģa mólsherlengen boladı.
1- mısal. Tómendegi atları keltirilgen elementtiń belgilerin jazıń: A. Kislorod... B. Azot... C. Temir... D. Kaltsiy...
Juwabı toltırılatuģın test. Bunday testte qısqa juwap jazıwģa orın qaldırıladı hám belgili sózler yamasa másele juwapi menen toltırıladı. Test sorawı kóbinese bir-birine jaqın bolģan túsiniklerdiń ózlestiriliwin anıqlaw ushın dúziledi. Máselen, atom hám molekula, element hám ápiuayı zat, molyar hám molekulyar massa, izotop hám izobar h.t.b.
Mısal. Tómendegi Quyidagi gápte túsirip qaldırılģan sózdi «atom» yamasa «molekula» sózleri menen toltırıń:
Xana xawasında azot hám kislorod... larınan tısqarı, sınap... larınan hám suw... larınan ibarat parları bar ekenligi anıqlandı.