Leksik monosemiya hodisasini qanday tushunasiz? Leksik polisemiyani-chi?
Leksik monosemiya (yunoncha: monos – «bir»+semia – «belgi») – leksemaning faqat bitta ma’noga ega bo`lishi. Masalan, o`zbek tilidagi guruch leksemasi «sholidan oqlab olinadigan oshlik don» ma’nosini, abadiy leksemasi «mangu, doimiy» ma’nosini, tun leksemasi «sutkaning kun botishdan kun chiqqungacha, oqshomdan tong otguncha bo`lgan qismi» ma’nosini ifodalaydi. Bu leksemalarning boshqa ma’nolari yo`q.
Monosemiya hodisasi qanday lug`aviy birliklarga xos?
Monosemiya hodisasi o`zbek tilshunosligida bir ma’nolilik deb ham yuritiladi. Bir ma’nolilik ko`proq atamalarga, yangi yaratilgan yoki boshqa tildan yangi o`zlashtirilgan leksemalarning boshlang`ich ishlatilish davriga xosdir: to`rtburchak (matem.atama), gummaxona (yangi yaratilgan leksema), supermarket (yangi o`zlashtirilgan so`z) va b.lar.
Do'stlaringiz bilan baham: |
