Liston davlat universiteti

TO’ZBEKISTON RESPUBLIKASI OLIY VA O’RTA MAXSUS TA’LIM
VAZIRLIGI


GULISTON DAVLAT UNIVERSITETI

“Milliy g’oya, ma’naviyat asoslari va huquq ta’limi”

кafedrasi


Usmonova Hulkar Mamatovna
ISLOM DINI ASOSLARI VA MA’NAVIYATI
( o’quv qo’llanma )
(“Milliy g’oya, ma’naviyat asoslari va huquq ta’limi”
yo’nalishi ushun mo’ljallangan)


Guliston – 2015
Muallif: o’qituvchi H.M.Usmonova.

5111600 – «Milliy g’oya, ma’naviyat asoslari va huquq ta’limi» ta’lim yo’nalishi talabalari uchun «Islom dini asoslari va ma’naviyati» kursidan o’quv qo’llanma. Guliston – 2015. 96 bet.

Taqrizchilar: R.J.Mahmudov. Falsafa fanlari nomzodi, dotsent


S.T.Ismoilov. Falsafa fanlari nomzodi, dotsent.
Mas’ul muharrir: katta o’qituvchi. U. Mavlyanov.


O’quv qo’llanma kafedra yig’ilishida muhokama qilinib, o’quv jarayonida foydalanish uchun tavsiya etilgan. (2015 yil 26 avgust kafedraning № 1 - yig'ilishida muhokama qilindi)

© Universitet

Kirish
Ushbu o’quv qo’llanma Kadrlar tayyorlash milliy dasturi talablari asosida, “Milliy g’oya, ma’naviyat asoslari va huquq ta’limi” yo’nalishi mutaxasisligi (5111600) tayyorlash dasturiga asoslanib tayyorlandi.
O’quv qo’llanmaning maqsadi – oily o’quv yurtlarini tugallagan mutaxassislar din va dunyoviy davlat masalalarida ilg’or g’oyalar bilan ongi boyigan, o’z qat’iy fikriga ega bo’lgan xodimlarni yetishtirishdir.
Islom dini tarixi, ta’limoti, ma’naviyati, falsafasini erkin o’rganish va tahlil qilish uchun keng imkoniyatlar yaratilgan va kun sayin ortib bormoqda. Zero dinimiz, ma’naviyatimiz ildizlari bir va aniq bo’lishiga qaramay, muqaddas dinimizga xos bo’lgan ta’limotni o’z foydasini ko’zlab talqin qiluvchi guruhlar ko’payib bormoqda.
Lekin bu hol Islom tarixida yangilik emas. Chunki, aynan islomiy qarashlar to’lqini turli-tuman bo’lganligi sababli, janobi Rasululloh vafotlaridan so’ng Islomda 73 firqa va mazhablar vujudga kelgan.
Mazkur o’quv qo’llanmada asosiy e’tiborni “Ahli sunna val- jamoa” e’tiqodi asoslariga hamda dunyoviy davlat va diniy e’tiqod masalalariga qaratishga harakat qilindi.
Ayniqsa huquqshunoslar insonlarning diniy va milliy tuyg’ularini his etish va hurmatlay bilish salohiyatiga ega bo’lishlari juda muhimdir. Shularni nazarda tutib, mazkur o’quv qo’llanma orqali talabalar ongida ezgulik tuyg’ularini vujudga keltirishga harakat qilindi.