M. Dáwletov, Sh. Allaniyazova, D. Seytqasımov, A. Dáwletova

gúldir toqtawsız esitilip turar edi. (K.M.)
33-shınıǵıw. Gáplerdi jazıń. Baslawıshlar qaysı sóz shaqabınan 
ekenligin aytıń. Baslawıshlarǵa soraw qoyıń.
1. Iniyat kabinetine kirip stolına otırdı da, qaǵazların 
jıynastıra basladı. 2. Házir jumısı da, turmısı da jaqsı. 
(A.Á.) 3. Jıǵılǵan gúreske toymaydı. 4. Saǵadaǵı suw ishedi, 
ayaqtaǵı uw ishedi (naqıl). 5. Aqırı úshewi de jaǵada 
arman-berman gezip júrdi. (Ǵ.S.) 6. Hárkim óz oyı menen 
bánt. (Ǵ.S.)
34-shınıǵıw. Doslıq, aqıllı, kól, oqıw, jazıwshı, hámme sóz-
lerin baslawısh etip gáp qurań. Olarǵa sorawlar qoyıń.
Ú l g i :  Aqıllı oylanıp isleydi.
35-shınıǵıw. Berilgen sorawlarǵa juwap jazıń. Sorawlardıń 
ornına qoyılǵan sózdiń gápte qaysı gáp aǵzası ekenligin aytıń.
1. Tereklerdi kim ekti? 2. Esiktiń aldında neler ósip 
tur? 3. Tirishiliktiń arqawı ne? 4. Awıldıń shetinde ne bar?

---

30
36-shınıǵıw. Tekstti kóshirip jazıń. Gápten baslawıshlardı 
tawıp, onıń qaysı sóz shaqabınan ekenin aytıń.
Onıń eki qıylı ertegi bar. Birewi óziniki, bul ertekti 
ózinen basqa heshkim bilmeydi. Ekinshisin oǵan atası aytıp 
bergen edi. Sońında bul erteklerden nárse de qalmadı. 
Gáptiń baǵdarı mine usılar tuwralı boldı. 
Sol jılı ol jetisin toltırıp segizge qaraǵan edi. Dáslep 
oǵan arnap portfel satıp alındı. Qara dermantinnen tigilgen 
bul portfeldiń ashılıp jabılǵanda shırt etetuǵın jıltırawıq 
temirden islengen qulpı bar edi. Oǵan qosımsha mayda 
zatlar salatuǵın qaltası da bar. (Sh.A.)
37-shınıǵıw. Tekstti oqıp shıǵıń. Gáplerdegi baslawıshlardı 
anıqlap, olarǵa sorawlar qoyıń.
Quwanısh esten shıǵıwı múmkin, biraq qayǵı hesh 
waqıtta esten shıqpaydı. Ladanlıq penen dańqparazlıq —
ajıralmas dos. Insan barlıq waqıtta kewilli jasawı kerek. 
Aqıllı bala ataǵa, anaǵa jaynatıp jemis keltiredi. Ádebiyat —
millettiń namısı, onıń ruwxıy ómiriniń jemisi hám gúli.
(«Danalar sózi» kitabınan).