M. Dáwletov, Sh. Allaniyazova, D. Seytqasımov, A. Dáwletova

MÁMLEKETLIK GIMNI
I. Yusupov sózi
N. Muxammeddinov muzıkası
Jáyhun jaǵasında ósken bayterek,
Túbi bir, shaqası mıń bolar demek,
Sen sonday sayalı, quyashlı elseń,
Tınıshlıq hám ıǵbal sendegi tilek.
N a q ı r a t ı :
Diyqan baba nápesi bar jerinde,
Juwsan ańqıp, kiyik qashar shólinde.
«Qaraqalpaqstan» degen atıńdı
Áwladlar ádiwler júrek tórinde.
Aydın keleshekke shaqırar zaman,
Mártlik, miynet, bilim jetkizer oǵan.
Xalqıń bar azamat, dos hám mehriban,
Erkin jaynap-jasnap, máńgi bol aman.
N a q ı r a t ı :
Diyqan baba nápesi bar jerinde,
Juwsan ańqıp, kiyik qashar shólinde.
«Qaraqalpaqstan» degen atıńdı,
Áwladlar ádiwler júrek tórinde.

---

4
§
1. ÓZBEKSTAN
—
MENIŃ WATANÍM
1-shınıǵıw. Tekstti oqıń. «Ózbekstan — meniń Watanım» tema-
sına baylanıslı sáwbetlesiń.
ǴÁREZSIZ ÓZBEKSTAN
1991-jılı Ózbekstan xalqınıń ásirlik tilegi ámelge astı, 
Watanımız óz ǵárezsizligin daǵazaladı. Endi Ózbekstan 
dúnya jámiyetshiliginiń teń huqıqlı aǵzasına aylanǵan. Ol 
óziniń mámleketlik bayraǵına, gimnine, gerbine hám milliy 
valyutasına iye. Ózbekstan tez pát penen rawajlanıw jolınan 
barmaqta. Qısqa múddetlerde ol agrar respublikadan sanaatı 
rawajlanǵan mámleketke aylandı. Házirgi waqıtta dúnyanıń 
avtomobil islep shıǵarıwshı 28 mámlekettiń biri ekenligi de 
pikirimizdiń dálili bola aladı.
Mámleketimizde 
júzden 
artıq 
millet 
wákilleri 
bir-
birine dos, qádirdan bolıp, jurt mápi, Watan rawajlanıwı 
jolında pidákerlik miyneti menen bánt. Olardıń huqıq hám 
erkinlikleri kepillikke alınǵan. Sonıń ushın da olardıń 
erteńgi kúnnen kewli toq. Keleshekke zor isenim menen 
qaraydı.