M. Dáwletov, Sh. Allaniyazova, D. Seytqasımov, A. Dáwletova

Sintaksis haqqında túsinik
Sintaksis — grammatikanıń bir bólimi. Sintaksis — grek 
sózi, ol «dúziw», «dúzilis» degen mánini bildiredi. Sózlerdiń 
sintaksislik baylanısı arqalı dúziletuǵın sóz dizbegi, gáp hám 
tekst sintaksiste úyreniledi.
§ 6. Ustazlıq etken jalıqpas
27-shınıǵıw. Tekstti oqıń. «Ustazlıq etken jalıqpas» temasında 
gúrrińlesiń.
Hárbir 
insan 
ushın 
óz 
muǵallimin 
hám 
ustazın 
qádirlewi, húrmet hám itibarın baǵıshlawı shárt. Nege 
degende bul insanlar hárqanday adamnıń ruwxın tárbiya-
laydı, ruwxıy baylıq penen toltıradı, hárqanday ruwxıy hám 
sociallıq kemshilik hám illetlerdi pákleydi, jawızlıq degen 
ayıptan azat etedi.
Muǵallim hám ustaz sonday adam, ol insaniyattı ilim 
bezegi menen ziynetleydi, olarǵa shıraylı hám jaǵımlı 
pazıyletler menen shıray hám sapa beredi, túsindiriw arqalı 
paydasız nárselerden adamdı qutqaradı, insandı haqıyqıy 
kámil insan dárejesine jetkeriw menen birge bilim ǵáziynesin 
olardıń kewillerine jaylastıradı.
Muǵallim hám ustaz sonday adam, ol seniń insanlıq 
huqıqlarıń nelerden ibarat ekenligin túsindirip beredi, jaman 
islerden qaytaradı hám eń jaqsı isler hám pazıyletlerge qaray 
jol kórsetedi. Olar seniń kámilligiń hám erjetiwińdi oylap, 
hámiyshe jan kúydiredi, kúsh hám imkaniyatların iske 
saladı. 
Muǵallim hám ustazdıń waqıtları júdá qımbatlı ekenligin 
bilip, aytqanlarına dıqqat penen qulaq sal. Eger bir nárseni 
túsinbey qalsań, ádep hám múláyimlilik penen qaytadan 
sorawıń zárúr.
28-shınıǵıw. Tekstti kóshirip jazıń. Ustazıńız haqqında aytıp 
beriń.

---

25
Bir kúni Iskenderden:
– Sen ustazıńdı anańnan da beter jaqsıraq húrmet eter 
ekenseń, sol ıras pa? – dep soradı.
– Awa, – dep juwap berdi Iskender, – anam meni 
joqlıq aspanınan alıp tústi, ustazım bolsa jerden kókke 
kóterdi. («Favoqih al-julaso»)