M. Dáwletov, Sh. Allaniyazova, D. Seytqasımov, A. Dáwletova

Sózler: miynet túbi, ádebiyat, jaslıq, ańlamay sóylegen, 
Ózbekstan Qaharmanı, paxta, Ózbekstan Respublikasınıń 
paytaxtı.
44-shınıǵıw. Tekstti oqıń. Baslawıshlardı tawıp, olarǵa soraw-
lar qoyıń. Baslawıshtıń qaysı sóz shaqabınan bildirilgenin, dúzilisi 
boyınsha qaysı túri ekenligin aytıń.
Ǵárezsizlik jıllarında biziń tariyxıy ótmishimizge, milliy 
qádiriyatlarımızǵa bolǵan qatnas ózgerdi. Ullı ata-babaları-
mızdıń ismleri qayta tiklendi. Atap aytqanda, sahıbqıran 
Ámir Temurdıń tuwılǵan sánesi pútkil dúnya júzinde keń 
túrde belgilenbekte. Tashkent, Samarqand, Shahrisabz hám 
basqa da qalalardıń oraylıq maydanlarında Ámir Temurge 

---

36
sawlatlı estelikler ornatılǵan. Tashkentte Temuriyler tariyxınıń 
Mámleketlik muzeyi dúzildi. Mámleketti bekkemlewge, xalıq-
lar arasında birge islesiwdi rawajlandırıwǵa úles qosqan 
watanlaslarımızdı sıylıqlaw ushın Ámir Temur ordeni shól-
kemlestirildi.
(«Erkin Qaraqalpaqstan» gazetası).
45-shınıǵıw. Kóshirip jazıń. Jay baslawıshtıń astın bir, qospa 
baslawıshtıń astın eki, keńeytilgen baslawıshtıń astın úsh sızıń. 
Olardıń qalay dúzilgenin aytıń hám tiyisli sorawların qoyıń.
Baǵdıń aynalası diywal menen qorshalǵan. Úy-ishi 
máz-máyram. Egis máwsimi keldi. Olar mektep átirapına 
kósheme-kóshe daraqlar, gúller ekken. Búgin Elmurat pe-
nen Gúlsánemniń paxtası suwǵarılǵan. (J.A) Kempir-
ǵarrılar asıǵıslıq penen gúrrińniń baslanıwın kútip otır. 
(Ó.X.) Oqıwdı ónimli miynet penen baylanıslı alıp barıw 
oqıwshılardı turmısqa uqıplı etip tárbiyalawǵa úlken járdem 
etpekte. Bal tutqan barmaǵın jalaydı. Adamlar poezdan jerge 
túsip kiyatır. 
§ 8. Doslıq — izzet, ullı dáwlet
46-shınıǵıw. Tekstti oqıń. «Doslıq — izzet, ullı dáwlet» tema-
sında óz ara sáwbetlesiń.