Muratbay Nızanov shıǵarmalarında baǵınıńqılı qospa gáptiń qollanılıwı Jobası: Kirisiw

Muratbay Nızanov shıǵarmalarında baǵınıńqılı qospa gáptiń qollanılıwı
Jobası:
Kirisiw__________________________________________________________3
I bap. “Aqshagúl” shıǵarmasında baǵınıńqılı qospa gáplerdiń qollanılwı

1.1 Baǵınıńqılı qospa gáp haqqında túsinik _____________________________4

1.2 Baslawısh baǵınıńqılı qospa gáplerdiń qollanılıwı______________________5
1.2 Bayanlawısh baǵınıńqılı qospa gáplerdiń qollanılıwı____________________2
II bap. “Aqshagúl” shıǵarmasında pısıwlawısh baǵınıńqılı qospa gáplerdiń qollanılıwı
2.1. Shıǵarmadaǵı waqıt baǵınıńqılı qospa gáp__________________________14
2.2. Shıǵarmadaǵı orın baǵınıńqılı qospa gáplerdiń qollanılıwı_____________16
2.3. Shıǵarmadaǵı sın baǵınıńqılı qospa gápke mısallar___________________17
2.4. Shıǵarmadaǵı muǵdar-dáreje baǵınıńqılı qospa gáp__________________ 21


Juwmaq_________________________________________________26
Paydalanılǵan ádebiyatlar______________________________________________27

KIRISIW
Muratbay Nızanov 1951-jılı Kegeyli rayonında tuwılǵan. Orta mektepti tamamlaǵannan soń, Qaraqalpaq Mámleketlik universitetin sırttan tamamlaydı. Xızmetjolın ózi tuwılǵan rayondaǵı M.Jumanazarov atındaǵı xojalıqta jumısshı, “Paxtakor” sport jámiyetinde instruktor bolıp islewden baslaǵan. M.Nızanovtıń ómiri hám dóretiwshilik jolı baspasóz ornı hám kitap baspası, televidenie hám kino mádeniyatı menen tıńız baylanıslı. Bunı biz rayonlıq gazetada, “Jetkinshek”, “Sovet Qaraqalpaqstanı” (házirgi “Erkin Qaraqalpaqstan”) gazetalarında ádebiy xızmetker, “Qaraqalpaqstan” televideniesi hám radioesittiriw komitetinde aǵa redaktor, bas redaktor, televidenie boyınsha baslıqtıń orınbasarı, “Aral’ jurnalınıń bas redaktorı, “Qaraqalpaqstan” baspasınıń direktorı, “Qaraqalpaqfilm” niń direktorı bolıpislegen jıllarınan bilemiz. Házirgi kúnde bolsa, “Bilim” baspasınıń direktorı bolıpislep atır. 1991-jıldan baslap Jazıwshılar awqamınıń aǵzası.
M. Nızanov dóretiwshilik jolın qosıq jazıwdan baslaǵan. Satira janrına ótiwine áskeriy xızmette júrgen dáwirlerde ataqlı túrk jazıwshısı Aziz Nesinniń Musht ketti degen kitabınıń tosattan qolına túsip qalıwı birden-bir sebep bolǵanlıǵın jazıwshı, shayır hán jurnalıst Bazarbay Seytaev penen sáwbetlesiwinde atap ótedi. Jazıwshınıń Qassaptıń túsi dep atalǵan tunǵısh satiralıq gúrrińi Kegeyli rayonlıq gazetasında 1971-jılı basılıp shıǵadı.
Satira janrın tereńnen meńgergen jazıwshınıń “Usınday da boladı”, “Kúlgim keledi”, “Nıshana”, “Sizge bolmaydı”, “Adam kúldirgeni ushın”, “Jeti jurttaǵı jeti kún”, “Írasın aytsań uradı”, “Adam jamanlasań zeyniń ashıladı”, “Eki qanxor”, “Gáziyne”, “Jaqında qızıq boladı”, “Aqshagúl”, “Aqıret uyqısı”, “Dushpan”, “Ashıq bolmaǵan kim bar” súyaqlı gúrrińler, povestler hám romanları basılıp shıqsa, “Eki dúnyanıń áweresi”, “Ólimnen uyat kúshli” komediyaları menen “Ziywar” muzikalı draması saxnada qoyıldı.
ⁱ T. Mámbetniyazov, Z. Bekbergenova, Z. Mámbetniyazova. Ádebiyat. 9-klass sabaqlıq ushın. Nókis. “Bilim”, 2014-2015 213-bet

Jazıwshı poeziya janrında ózin sınap kórip 2012-jılı “Sen hám men” atlı qosıqlar toplamın bastırıp shıǵaradı.

Ol sońǵı jılları kinocenarist jazıwshı sıpatında “Tank”, “Qorǵan”, “Urı”, “Kurort”, “Qaysar”, “Mehrigiya-Margiya” sıyaqlı kinofilmleri menen keń jámiyetshilikke tanıldı.
Muratbay Nızanov usınday pidayı xızmetleri ushın 1999-jılı “Doslıq” ordeni menen sıylıqlansa, 2012-jılı “Qaraqalpaqstan xalıq jazıwshısı” húrmetli ataǵına miyasar boladı.