M. O’. Sariboyeva jahon va turkiy xalqlar adabiyoti o’quv-uslubiy majmua Guliston- 2017

Muhokama uchun savollar:
1. Adibning ilm o’rganishi haqida mulohaza yuriting.

2. Dramaturg M.F.Oxundovning ozarbayjon milliy teatriga asos bo’lgan nechta komediyasini bilasiz?

2 – asosiy savol bo’yicha darsning maqsadi:
M. F. Oxundovning nasriy asarlari haqida ma’lumot berish.

Identiv o’quv maqsadlari:
1. Adibning nasriy asarlari to’g’risida umumiy ma’lumot beradi.

2. «Aldangan yulduzlar» qissasini tahlil qiladi.

3. Shoirlik va ma’rifatparvarlik faoliyatini izohlaydi.


2 – asosiy savolning bayoni:
Mirza Fatali Oxundovning nasriy asarlari orasida xalq og’zaki ijodi materiallaridan keng foydalanib yozilgan «Aldangan yulduzlar» qissasi mashhurdir. M.F.Oxundovning ushbu qissasi o’sha davrda realistik nasrning paydo bo’layotganligidan dalolat berar edi.

U faylasuf sifatida 1864–1865 yillarda «Kamol-ud-dovla maktublari» asarini yaratib, unda falsafiy qarashlarini bayon qildi.

M.F.Oxundovning shoirlik va ilg’or ma’rifatparvarlik faoliyati Ozarbayjon adabiyotining bundan keyingi taraqqiyotiga kuchli ta’sir ko’rsatdi. M.Oxundov–Ozarbayjon dramaturgiyasining ham asoschisi. Uning ijodi 30–yillardan boshlanadi. 1937 yilda Pushkinga bag’ishlab yozgan she’rida rus she’riyatining quyoshi A.S.Pushkin vafoti munosabati bilan yozgan edi:
Ko’zlarimga uyqu kelmay uxlamadim kechasi,

Dilga dedim: - Ey, sirlarning javohir, xazinasi,

Nima bo’ldi gulzoringda bulbullaring sayrashmas?
Nima bo’ldi suv to’tisi og’iz ochmas bir nafas?
Ne sababdan to’silgandir she’riyatning yo’llari?
Bahor keldi. Tomosha qil: ko’kalamzor qizlari
Yasanishib, balqib turar jamollari, yuzlari?


Muhokama uchun savollar:
1. Adibning ijodi nechanchi yillardan boshlangan?

2. M.F.Oxundovning dunyoqarashi qanday g’oyalar ta’sirida shakllandi?

3. M. Oxundovning ma’rifatparvarlik faoliyatiga munosabatingiz.