M qudaybergenov q. Paxratdinov

Qadag’alaw ushi’n soraw ha’m tapsi’rmalar

1. 
   Qaraqalpaq a’debiyati’ klassikleri shi’g’armalari’ tili boyi’nsha izertlewlerge sholi’w islen’.
   
2. 
   Qaraqalpaq da’stanlari’ tilinin’ izertleniwi.
   
3. 
   Qaraqalpaq tilinin’ stilistikasi’ boyi’nsha izertlewler.
   
4. 
   Qaraqalpaq shayi’r ha’m jazi’wshi’lari’ shi’g’armalari’ tilinin’ stillik o’zgeshelikleri boyi’nsha izertlewler.
   

A’debiyatlar

1. 
   Абдиназимов Ш. Лингвофольклористика. Нөкис, 2015.
   
2. 
   Бекбергенов А. Қарақалпақ тилиниң стилистикасы. Нөкис, «Қарақалпақстан», 1990.
   
3. 
   Бердимуратов Е. Әдебий тилдиң функционаллық стильлериниң раўажланыўы менен қарақалпақ лексикасының раўажланыўы. Нөкис, «Қарақалпақстан», 1973.
   
4. 
   Насыров Д.С., Доспанов О., Бекбергенов А., Сайтов Д. Қарақалпақ әдебияты классиклери шығармаларының тили. Нөкис, «Билим», 1995.
   

§12. Qaraqalpaq tilinin’ sali’sti’rmali’ izertleniwi


Joba

1. 
   Rus ha’m qaraqalpaq tillerinin’ sali’sti’rmali’ izertleniwi.
   
2. 
   Nemec ha’m qaraqalpaq tillerinin’ sali’sti’rmali’ izertleniwi.
   
3. 
   Inglis ha’m qaraqalpaq tillerinin’ sali’sti’rmali’ izertleniwi.
   
4. 
   Qaraqalpaq ha’m tu’rkiy tillerinin’ sali’sti’rmali’ izertleniwi.
   

Rus ha’m qaraqalpaq tillerin sali’sti’ri’p izertlew jumi’slari’ 1960-ji’llardan baslap qolg’a ali’ndi’. Rus ha’m qaraqalpaq tillerinin’ morfologiyali’q quri’li’si’ Nag’met Urumbaevti’n’ «Пособие по сопоставительной грамматике (морфологии) русского и каракалпакского языков» (Нукус, «Каракалпакстан», 1960), sintaksislik quri’li’si’ A’nes Omarovti’n’ «Сопоставительный синтаксис русского и каракалпакского языков» (Нукус, «Каракалпакстан», 1973), leksikasi’, seslik quri’li’si’, so’z jasali’wi’ ha’m morfologiya A’nwar Jaqsi’baevti’n’ «О сопоставлении русского и каракалпакского языков в учебных целях» (Нукус, «Каракалпакстан», 1982), Bazarbay Xoshanovti’n’ «Пространственные и временные значения русских глагольных предложных словосочетаний в родительном падеже и их эквиваленты в каракалпакском языке» (Автореферат кандидатской диссертации. Ташкент, 1974) miynetlerinde so’z etildi. Sonday-aq eki tildegi so’z jasali’w o’zgeshelikleri Maqset Qurbanovti’n’ «Русско-каракалпакские языковые контакты на лексическом уровне в условиях билингвизма» (Автореферат кандидатской диссертации. Киев, 1984), Qutli’murat Qoshanovti’n’ «Взаимодействие русского и каракалпакского языков в области номинативной лексики» (Нукус, «Каракалпакстан», 1989) miynetlerinde sali’sti’ri’li’p qaraldi’.

A. Bekbergenovti’n’ «Рус ҳәм қарақалпақ тиллериниң салыстырмалы грамматикасы» (Нөкис, «Билим», 1995) atli’ kitabi’nda qaraqalpaq tilinde birinshi ret eki tildin’ so’z jasali’w sistemasi’ndag’i’, morfologiyali’q quri’li’si’ndag’i’ uqsasli’q ha’m o’zgeshelikler ashi’p ko’rsetilgen.
Nemec ha’m qaraqalpaq tillerindegi so’zlik pa’t ma’selesi boyi’nsha Saqi’y Jaqi’pov kandidatli’q dissertaciya jaqladi’.³⁸ Amin Qurbanbaevti’n’ «Сопоставительная грамматика немецкого и каракалпакского языков» (Нукус, 1989), Ori’nbay Ibragimovti’n’ «Немис ҳәм қарақалпақ тиллериниң салыстырма грамматикасы. Синтаксис» (Нөкис, 1992) sabaqli’qlari’ basi’li’p shi’qti’.
Anglichan ha’m qaraqalpaq tillerinde kauzativlik ma’ninin’ bildiriliw usi’llari’ Pirnazar Qurbanazarovti’n’ kandidatli’q dissertaciyasi’nda analizlendi.³⁹
Qaraqalpaq tilin basqa tu’rkiy tiller menen sali’sti’ri’p izertlew boyi’nsha da bir qatar jumi’slar islendi. A’. Nurmaxanovani’n’ «Типы простого предложения в тюркских языках. Грамматические и интонационные особенности» (Ташкент, 1965) degen monografiyasi’nda o’zbek, qaraqalpaq ha’m qazaq tillerindegi jay ga’plerdin’ tipleri izertlengen. O’zbek tilshi ilimpazi’ Kamil Melievtin’ «Ҳозирги туркий тилларда сифатдошлар» (Тошкент, «Фан», 1974) atli’ monografiyasi’nda o’zbek, uyg’i’r, qazaq ha’m qaraqalpaq tillerindegi kelbetlik feyiller analizlengen. Karazi’m A’miralievtin’ kandidatli’q dissertaciyasi’nda qaraqalpaq, o’zbek ha’m qazaq tillerindegi janapaylardi’n’ xi’zmetleri izertlengen.⁴⁰ Qaraqalpaq, qazaq ha’m o’zbek tillerindegi atawi’sh so’z dizbeklerinin’ tipleri Erkebay Mergenbaevti’n’ kandidatli’q dissertaciyasi’nda ashi’p ko’rsetilgen.⁴¹
Gu’lmi’rza Qurbaniyazovti’n’ kandidatli’q dissertaciyasi’nda o’zbek ha’m qaraqalpaq tillerindegi qattiq, qatti’ so’zlerinin’ ma’nileri sali’sti’ri’li’p analizlengen.⁴² Qaraqalpaq ha’m qazaq tillerindegi ayi’ri’m so’zlerdin’ leksika-semantikali’q o’zgeshelikleri Sholpan Qudiyarovani’n’ izertlewlerinde bayan etilgen.⁴³
O’zbek ha’m qaraqalpaq tillerindegi atli’q jasawshi’ affikslerdin’ funkciyasi’ ha’m semantikasi’ Ilham Kazakovti’n’ kandidatli’q dissertaciyasi’nda izertlengen.⁴⁴