Madenova Nesibeli Abadbayevnanıń qánigelik ámeliyatınıń alıp barılıwı, orınlanıwı boyınsha esabatí

ÓZBEKISTAN RESPUBLIKASI JOQARI TÁLIM, PÁN HÁM INNOVACIYALAR MINISTRLIGI
ÁJINIYAZ ATÍNDAǴÍ NÓKIS MÁMLEKETLIK
PEDAGOGIKALÍQ INSTITUTÍ


MAGISTRATURA BÓLIMI
70110501-Тálim hám tárbiya teoriyası hám metodikası (Baslawısh tálim) qánigeligi 2-kurs magistrantı
Madenova Nesibeli Abadbayevnanıń
qánigelik ámeliyatınıń alıp barılıwı, orınlanıwı boyınsha
ESABATÍ



Nókis-2023
Qánigelik ámeliyat

Men Madenova Nesibeli Abadbayevna 70110501- Tálim hám tárbiya teoriyası hám metodikası (baslawısh tálim) qánigeligi 2-kurs magistrantı tárepinen 2022-2023 oqıw jılı Isshi oqıw baǵdarlamasında II basqısh IV semestri dawamında qánigelik ámeliyatı jumısları oqıw jobasında belgilengen saatlar tiykarında jumıslar orınlandı.

Qánigelik ámeliyatı «Baslawısh tálim» kafedrasında 6-fevraldan baslandı. Ámeliyat dawamında:
1-hápte: Baslawısh tálim kafedrasında stajirovka dástúri menen kafedra baslıǵı Z.Kurbaniyazova tanıstırıp ótti. Qánige tayarlawshı kafedrada barlıq oqıw – normativ hújjetler toplamı menen tanısıp shıǵıldı hám de 6-fevral kúninen baslap stajirovka dástúrine muwapıq kúndelik kestesi islep shıǵıldı. Professor-oqıtıwshılardıń isshi oqıw dástúri hám jumıs baǵdarlamaları menen tanısıp barıldı. Kafedrada islenetuǵın ruwxıy aǵartıwshılıq dástúri menen tanısıp shıǵıldı.
2-hápte:. Hár bir kafedra professor–oqıtıwshılarınıń wazıypaları, ilimiy miynetleri, shıǵarmaları úyrenildi. 13-fevral kúni Baslawısh tálim kafedrası oqıtıwshısı p.i.f.d. (PhD), docent w.w.a A.Kadirekovanıń ámeliy sabaǵına qatnasıldı. Kafedrada tańlaw páni sıpatında oqıtılatuǵın pánler dizimi menen tanısıtırıp ótildi. Aldınǵı pedagogikalıq hám informaciyalıq texnologiyalarǵa oqıw procesin engiziw boyınsha alıp barılıp atırǵan jumıslar menen tanıstırıldı. 15-fevral kúni Baslawısh tálim kafedrası aǵa oqıtıwshısı, p.i.f.d., (PhD) A.Najimovanıń ámeliy sabaǵına qatnasıldı. 3-b (qq) toparındaǵı “Ana tili oqıtıw metodikası” páninen “Baslawısh klaslarda ana tili oqıtıw metodları” temasındaǵı ámeliy sabaq barısı analizlendi. 16-fevral kúni Baslawısh tálim kafedrası oqıtıwshısı B.Xojanovtıń 2-j (qazaq) toparındaǵı “Matematika oqıtıw metodikası” páninen “Oqıtıw ádisteri” temasındaǵı lekciya sabaq barısı analizlendi hám kerekli maǵlıwmatlar toplandı.