Madenova Nesibeli Abadbayevnanıń qánigelik ámeliyatınıń alıp barılıwı, orınlanıwı boyınsha esabatí

3-hápte: Pedagogikalıq ámeliyat dáwirinde kafedrada óz ara ashıq sabaq hújjetleri menen tanısıp shıǵıldı jáne de ziyrek talabalar menen islesiw hújjetleri menen tanıstırılıp, olardıń jetiskenliklerinen xabardar etildi. 20-fevral kúni Baslawısh tálim kafedrası oqıtıwshısı SH. Pirniyazovanıń 4-b (qq) toparındaǵı “Muzıkanı oqıtıw metodikası” páninen “Muzika mádeniyatı sabaqlarınıń ózgeshelikleri hám dúzilisi” lekciya sabaǵına qatnasıldı. Magistrlıq dissertaciya jumısıma baylanıslı tájiriybe-sınaw jumısların alıp barıw ushın anketa dúzip baslandı.
4-hápte: Kafedranıń ziyrek talabaları menen islesiw hújjetlerin úyrenildi hám de jeke is-ilajları, kalendar tematikalıq rejeleri kórip shıǵıldı. 2-mart kúni Baslawısh tálim kafedrası aǵa oqıtıwshısı, p.i.f.d., (PhD) A.Najimovanıń 2-a,b,v (qq) toparlarındaǵı “Ana tili oqıtıw metodikası” páninen “Kitapqumarlıq iskerligin qáliplestiriw” temasındaǵı lekciya sabaǵına qatnasıldı hám analizlendi. 3-mart kùni NMPI kitapxanasında maǵlıwmatlar toplandı. Maǵlıwmatlar ulıwmalastırıldı, bar maǵlıwmatlar menen salıstırıldı hám analizlendi. 4-mart kúni Baslawısh tálim kafedrası aǵa oqıtıwshısı, p.i.f.d., (PhD) A.Najimovanıń 2-b (qq) toparlarındaǵı “Ana tili oqıtıw metodikası” páninen “Ana tili sabaqlarında innovacion pedagogikalıq texnologiyalar” temasındaǵı ámeliy sabaǵına qatnasıldı.
5-hápte: 9-mart kúni Baslawısh tálim kafedrası aǵa oqıtıwshısı, p.i.f.d., (PhD) A.Najimovanıń 2-b (qq) toparlarındaǵı “Ana tili oqıtıw metodikası” páninen “Ana tili sabaǵında dógerek rejesin dúziw” atlı ámeliy sabaǵı magistrantlar tárepinen baqlandı. 11-mart kúni Baslawısh tálim kafedrası oqıtıwshısı B.Xojanov lekciya sabaǵına qatnasıldı. 2-b (qq) toparındaǵı “Matematika oqıtıw metodikası” páninen “Baslawısh klaslarda matematikalıq kompotentlik qatnas” temasındaǵı lekciya sabaq barısı analizlendi. Ruwxıy aǵartıwshılıq jumısları tiykarında dúzilgen Ustaz-shákirt jumısları úyrenilip barıldı.
6-7 hápte: 13-mart kúni Baslawısh tálim kafedrası oqıtıwshısı B.Xojanovtıń 3-b (qq) toparındaǵı “Matematikanı oqıtıw metodikası” páninen “Keste diagramması menen islesiw” atlı gezektegi ámeliy sabaq procesi analizlendi. 16-mart kúni Baslawısh tálim kafedrası aǵa oqıtıwshısı, p.i.f.d., (PhD) A.Najimovanıń 2-a (qq) toparındaǵı “Ana tili oqıtıw metodikası” páninen “Ana tili sabaǵında dógerek rejesin dúziw” temasında ámeliy sabaǵı magistrantlar tárepinen baqlap barıldı. 23-mart kúni Baslawısh tálim kafedrası aǵa oqıtıwshısı, p.i.f.d., (PhD) A.Najimovanıń 2-a,b,v (qq) toparlarındaǵı “Ana tili oqıtıw metodikası” páninen “Ilimiy keń taralǵan shıǵarmalardı oqıtıw metodikası” atlı gezektegi lekciya sabaǵın 2-kurs magistrantı A.Allamuratova ótti hám sabaq processi analizlendi. 25-mart kúni Baslawısh tálim kafedrası oqıtıwshısı B.Xojanovtıń 2-v (qq) toparındaǵı “Matematika oqıtıw metodikası” páninen “Baslawısh klasta matematika oqıtıw metodları. Indukciya, dedukciya, analogiya metodları” atlı gezektegi ámeliy sabaǵın 2-kurs magistrantı B.Dáwletmuratova ótti hám sabaq processi analizlendi.
Qánigelik ámeliyat barısında, 7 hápte dawamında ilimiy basshım p.i.b.f.d. (PhD) G.B.Babasheva menen birgelikte “Baslawısh klaslarda oqıw-biliw motivaciyasın kompleks jetilistiriw – pedagogikalıq hám psixologiyalıq mashqala sıpatında” atamasındaǵı magistrlıq dissertaciya jumısı boyınsha ilimiy jumısqa baylanıslı bolǵan toplanǵan resurslar, internet materiallar hám qosımsha ádebiyatlar saplastırıldı. Ámeliyat dawamında sabaq ótip toplanǵan bilimler ámelde sınaldı. Jáne de Institumizdiń kitapxanasına barıp pedagogika boyınsha materiallar toplandı. Ol jerdegi oqıw procesi, magistrlar hám izleniwshilerge jaratılǵan sháráyatlar menen keńinen tanıstırıldı. Ízertleniwi kerek bolǵan usıl hám baǵdarlar dizimi úyrenildi (analiz sintez, baqlaw, tekserıw, eksperimental, tájiriybe usılları). Dissertaciya temaǵa baylanıslı tańlanǵan ilimiy stillerdi qollap, usınılıp atırǵan, alǵa súrilgen gipotezanı dálilleytuǵın jańa ilimiy xabardı izertlew ótkizilgen tiykarda alındı.