Махсус фан дастури сурдо йуна

Fanning o’quv rejadagi boshqa fanlar bilan o’zaro bog’liqligi va uslubiy jihatdan uzviy ketma-ketligi

Maktabgacha surdopedagoika fani asosiy ixtisoslik fani hisoblanidi. Dasturni amalga oshirish o’quv rejada rejalashtirilgan maktabgacha surdopsixologiya, maktabgacha tarbiya maxsus metodikasi, umumiy va maxsus pedagogika (surdopedagogika), umumiy va maxsus psixologiya (surdopsixologiya) fanlaridan etarli bilim va ko’nikmalarga ega bo’lishlik talab etiladi.

Fanning ta`limdagi o’rni

Maktabgacha surdopedagogika fan dasturi maktabgacha yoshdagi eshitishda nuqsoni bo’lgan bolalarni maxsus maktabgacha ta`lim muassasalaridagi ta`lim-tarbiya jarayoni nazariyasi va amaliyoti, eshitishida nuqsoni bo’lgan maktabgacha yoshdagi bolalarning ilk rivojlanish xususiyatlari, ularni rivojlantirish, korrektsiya vositalarini qo’llash, o’rganish masalalarini qamrab oladi. Pedagogika amaliyot jarayonida olingan nazariy bilimlarini ilk bor hayotga tatbiq etish ko’nikmalarini shakllantirish uchun shart - sharoit hosil qilinadi. Shuning maktabgacha surdopedagogika fani ta`lim jarayonidagi asosiy mutaxassislik fani hisoblanadi, defektolog kadrlarni tayyorlash jarayonida muhim ahamiyatga egadir.

Fanni o’qitishda zamonaviy axborot va
pedagogik texnologiyalar
Talabalarni maktabgacha surdopedagogika fanini o’zlashtirishlari uchun o’qitishning ilg’or va zamonaviy usullaridan foydalanish, yangi informatsion pedagogik texnologiyalarni tadbiq etish muhim ahamiyatga egadir. Ma`ruza hamda amaliy mashg’ulotlarga mos ravishda ilg’or pedagogik texnologiyalar qo’llaniladi. Mazkur fanni o’qitish jarayonida zamonaviy metodlar, pedagogik va axborot kommunikatsion texnologiyalarini qo’llanilishi nazarda tutilgan:
- maktabgacha surdopedagogika fani bo’yicha ma`ruzalar darslarida zamonaviy kompyuter texnologiyalari yordamida prezentatsion va elektoron texnologiyalar;
- maktabgacha surdopedagogika fani bo’yicha amaliy mashg’ulotlarda aqliy hujum, kichik guruh munosabatlari, PMK, FSMU, elkan, 3 bosqichli intervyu, gamburger texnologiyalarini qo’llash nazarda tutiladi.