Махсус фан дастури сурдо йуна

MAKTABGACHA SURDOPEDAGOGIKA


Kirish
Ushbu dastur maktabgacha yoshdagi eshitishda nuqsoni bo’lgan bolalarni maxsus maktabgacha ta`lim muassasalaridagi ta`lim-tarbiya jarayoni nazariyasi va amaliyoti, eshitishida nuqsoni bo’lgan maktabgacha yoshdagi bolalarning ilk rivojlanish xususiyatlari, ularni rivojlantirish, korrektsiya vositalarini qo’llash, o’rganish masalalarini qamrab oladi.


O’quv fanining maqsadi va vazifalari

Fanni o’qitishdan maqsad – talabalarda eshitishida nuqsoni bo’lgan bolalar maxsus maktabgacha tarbiya muassasalarida korrektsion ta`lim-tarbiya jarayonini tashkil etish shakllari hamda usullari bo’yicha bilim, ko’nikma va malakalarni shakllantirishdir.

Fanning vazifasi – talabalarni maktabgacha surdopedagogika nazariyasi hamda uni usullarini amaliyotda qo’llashga o’rgatishdan iborat.


Fan bo’yicha talabalarning bilimiga, ko’nikma va malakasiga
qo’yiladigan talablar

Maktabgacha surdopedagogika o’quv fanini o’zlashtirish jarayonida amalga oshiriladigan masalalar doirasida bakalavr;

- eshitishida nuqsoni bo’lgan ilk va maktabgacha yoshdagi bolalarni rivojlantirish va korrektsiyalash jarayonida maxsus ta`lim-tarbiyaning roli, ilk va maktabgacha eshitishida nuqsoni bo’lgan bolalar ta`lim tizimining kontseptual asoslari, maxsus maktabgacha tarbiya muassasalarida ta`lim-tarbiya jarayonini tashkil etish printsiplari, metodlari va shakllari, korrektsion ta`lim-tarbiya jarayonini tashkil etish xususiyatlarini bilishi kerak;
- maxsus maktabgacha tarbiya muassasalariga bolalarni saralash, metodik ishlarni tashkil etish, rejalashtirish, ta`lim-tarbiya jarayoniga nuqson tuzilishini hisobga olgan holda defferentsial yondoshish, eshitishida nuqsoni bo’lgan maktabgacha yoshdagi bolalarga psixologik-pedagogik tavsiya berish ko’nikmalariga ega bo’lishi kerak;
- talaba korrektsion pedagogik jarayonni nazariy-amaliy tahlil etish, ta`limni tashkil etish shakllari, usullarini amalda samarali qo’llash, ota-onalar bilan ishlash, eshitishida nuqsoni bo’lgan ilk va maktab yoshdagi bolalar ta`lim-tarbiya nazariyasini amalda qo’llay olish malakalariga ega bo’lishi shart.