Maktab o’quv ishlari bo’yicha direktor o’rinbosari: Ganjayeva Z

III bosqich: Yangi mavzu mazmunini tushuntirish jarayoni:

Tashqi siyosat – davlat faoliyatining u o’z davlat chegaralaridan tashqarida xalqaro munosabatda ishtirok etish asnosida amalga oshiradigan sohasidir.

Har qaysi davlat boshqa davlatlar bilan nihoyatda xilma – xil munosabatlarda bo’ladi. Davlatlar ham, xuddi odamlar singari, bir – biri bilan muloqotga kirishmasdan yashay olmaydi. Bunday muloqot o’z munosabatlarida murosaga erishish va o’zaro maqbul qoidalarni belgilash uchun bir – birini tushunishda, o’zlarining bir – birlariga nisbatan o’zaro mafaatlarini kelishib olishda ularga ko’mak beradi.

Bizga yaxshi ma’lumki, turli mamlakatlar va qit’alar xalqlari qadim – qadim zamonlardan boshlab o’zaro aloqalarni yo’lga qo’yishgan, dunyoning yangi qit’alarini kashf etishgan, do’stlashishgan va savdo – sotiq qilishgan, yovlashishgan va yarashishgan, urushlar olib borishgan va sulhlar tuzishgan, xalqaro ishlarni hal qilishda hayot tajribalarini egallagan va boyitgan holda bir – birlaridan bilimlarni hamda tajribalarni o’zlashtirishgan. Chunki jahon xalqlari taqdiri xalqaro ishlarning hal etilishiga bevosita bog’liqdir.

Shu tariqa, xalqlar muloqoti jarayonida asta – sekin xalqaro munosabatda ishtirok etayotgan davlatlar manfaatlarini ifodalovchi va himoya qiluvchi qoidalar vujudga keldi.

O’zbekiston ham xalqaro munosabatlarning to’la huquqli subyekti hisoblanadi. Faqat davlat mustaqilligiga erishilishi bilan mamlakatimiz xalqaro munosabatlarning to’la huquqli subyektiga aylandi.

IV bosqich: Yangi mavzuni mustahkamlash, amaliy va mustaqil ishlar bajarish jarayoni: