Maktabning yangi o’quv yilidagi maqsad va vazifalari

Maktabning yangi o’quv yilidagi maqsad va vazifalari

40-IDUMning 2021-2022-o’quv yiliga mo’ljallangan ish rejasi – maktab boshqaruvining asosiy hujjatlaridan biri hisoblanib, maktab faoliyatining barcha yo’nalishlarini qamrab olgan.

Mazkur rejada ta’lim muassasasi tomonidan amalga oshiriladigan barcha tadbirlar, ularni amalga oshirish muddatlari, mas’ullar oyma-oy bajariladigan ishlar belgilangan.
Maktab-murakkab dinamik ijtimoiy tuzilma bo’lib, unda jami 2000 nafar shaxslar o’zaro muloqot qilishadi. Bular o’qituvchilar, o’quvchilar, ota-onalar, texnik xodimlar va boshqalar. Ularning har birining o’ziga yarasha dunyoqarashi, madaniyati, iqtisodiy darajasi, qiziqishlari, muammolari mavjud. Maktab ish rejasida yuqoridagi jihatlarning barchasini inobatga olishga harakat qildik.
Maktab missiyasi – “Sifatli ta’lim berish orqali, har tomonlama rivojlangan muvaffaqiyatli shaxslarni tarbiyalash”.
Maqsadimiz – har bir bolaning individual qobiliyatlarini aniqlab, uni rivojlantirishga, o’zini har tomonlama ko’rsata olishga qaratilgan ijodiy, qulay ta’lim muhitini yaratish.
Yangi o’qub yilida amalga oshirilishi lozim bo’lgan strategik rejalar:

1. 
   “Ta’lim to’g’risida”gi Qonun, DTS talablaridan kelib chiqib, sifatli ta’lim berishni tashkil etish;
   
2. 
   Barcha o’quvchilar tomonidan o’quv dasturlarining o’zlashtirilishiga erishish;
   
3. 
   Ta’lim sifatini oshirishga xizmat qiladigan barcha usullardan unumli foydalanish (mustaqil ta’lim olish, AKT, badiiy-ilmiy adabiyotlar, o’yin, muloqot, diskussiya va h).;
   
4. 
   O’quvchilar egallayotgan bilim, ko’nikma, malakalarni hayotda qo’llay olish ko’nikmalarini shakllantirish (nazariya va amaliyotni 50x50);
   
5. 
   Bitiruvchilarni OTMga munosib tayyorlash (qo’shimcha darslar, repetititorlik kurslarini tashkil etish);
   
6. 
   O’quvchilarni xalqaro olimpiada, tanlovlarga munosib tayyorlash;
   
7. 
   Ustoz-shogird tamoyili asosida yosh o’qituvchilarga metodik ko’mak ko’rsatish;
   
8. 
   Boshlang’ich sinflardan boshlab ingliz tilini o’rgatish bo’yicha tizimli ishlarni amalga oshirish;
   
9. 
   O’qituvchilarning o’z ustida ishlashlarini tashkil etish orqali oliy va I toifali o’qituvchilar sonini keskin oshirishga erishish (har bir o’qituvchining faoliyatini yil yakuni bo’yicha reytingini aniqlash);
   
10. 
    O’qituvchilarning turli darajadagi tanlov, konferensiyalardagi ishtirokini ta’minlash, natijaviylikga erishish (Grantlar);
    
11. 
    Jismoniy tarbiya fani o’qituvchilari faoliyatini nazoratga olish. O’quvchilarning sport sohasidagi yutuqlarini e’tirof etib oorish;
    
12. 
    O’quvchilarning psixologik va jismoniy sog’lom bo’lishlarini mustahkamlash, sog’lom turmush tarzini keng tadbiq etish;
    
13. 
    Respublika miqyosidagi loyihalarda faol ishtirok etish;
    
14. 
    Iqtidorli o’quvchilar bilan alohida ishlash (Olimpiadalarga olib chiqish, tadqiqot ishlariga jalb qilish, turli mavzulardagi loyihalarga volontyorlik kabi chorlash);
    
15. 
    “E’tirof” maktab stendini tashkil etish (O’qituvchi, o’quvchilar, namunali oilalarni, rahbar xodimlarni e’tirof etib oorish);
    
16. 
    “Zamonaviy maktab” loyihasida maktabni jihozlab oorish;
    
17. 
    5 muhim tashabbus doirasidagi tadbirlarda faol ishtirok etish;
    
18. 
    Oila va maktab hamkorligini kuchaytirish (Barcha tadbirlarda ota-onalar bilan hamkorlik qilish);
    
19. 
    O’quvchilar o’rtasida huquqbuzarlik, o’z joniga qasd qilish kabi salbiy illatlarning oldinin olishga qaratilgan profilaktik tadbirlarni doimiy tashkil etib borish (IIB va hamkor tashkilotlar bilan birgalikda);
    
20. 
    Yoshlar Ittifoqi maktab boshlang’ich tashkilotini qo’llab – quvvatlash (Kelajak liderlarini tayyorlab borish).