Маъмурий ҳуқуқбузарлик тушунчаси, таркиби ва белгилари

Алоқа хавфсизлиги бузилишининг II тоифасига қуйидагилар киради:
Қўшинларни (кучларни) яширин бошқариш талабларининг бузилиши, бунда махфий бўлмаган радио, радиорелей, тропосфера ва космик алоқа каналлари бўйлаб очиқ ёки қисман очиқ сўзлашувлар (жўнатмалар) билан боғлиқ ҳолда, қуйидагилар ошкор бўлиши мумкин:
-ҳарбий қисм ва бўлинмаларнинг дислокацияси, ҳақиқий ёки шартли номланиши;
-бошқарув пункти, алоқа тугунлари ва алоҳида радиостанцияларнинг Ўзбекистон Республикаси Қуролли Кучлари кўринишларига, қўшин турларига, бошқарув бўғинларига тегишлилиги;
-радиочақирувларнинг, частоталарнинг ва алоқа ҳужжатларига тегишли бўлган калитларнинг қўлланиш муддатлари;
-ҳарбий қисм ва бўлинмалар қурол-яроғи ҳамда ҳарбий техникаси мавжудлиги ҳолати ҳақидаги алоҳида (тўлиқ бўлмаган) маълумотлар;
-генерал ва офицерларнинг лавозимлари, уларнинг ҳарбий унвонлари ва исми-шарифлари;
-алоқа тугунларининг телефон-телеграф радиопозивнойлари, мухбирлар ва лавозимдаги шахсларнинг кодланмаган шартли белгиларини очиқ радио, радиорелей, тропосфера ва космик алоқа каналлари орқали узатиш;
-хусусий характерда бўлган, махфий маълумотларга эга бўлмаган сўзлашувлар (жўнатмалар), улар очиқ ҳолда ёки хизмат радио кодларидан, сўзлашув жадвалларидан (навбатчи радист жадвали, радиорелей ва тропосфера алоқаси бўйича сўзлашув жадваллари ва бошқалардан) фойдаланган ҳолда олиб борилишидан қатъий назар;
-радиосукут вақтида ҳамда бошқарув пунктлари (алоқа тугунлари) кўчганидан сўнг радиомаълумотлар алмашмаган ҳолатларда радиовоситаларнинг узатишга ишлаши;
-вазият шароитлари бўйича бир ёқлама алоқа ўрнатишга рухсат бериладиган радиотармоқларда ва радиойўналишларда икки ёқламали радиоалоқа ўрнатиш;
-қайд қилинмаган радиомаълумотлардан фойдаланган ҳолда ёки фойдаланишга тақиқланган частоталарда ишлаш;
-сўзлашув жадвалларининг (навбатчи радист жадвали, радиорелей ва тропосфера алоқаси бўйича сўзлашув жадваллари ва бошқаларнинг) калитларини очиқ жўнатиш;
-бегона радиостанциялар билан, жумладан, радиоҳаваскорлар билан радиоалоқа ўрнатиш;
-айнан бир хил манзилли гуруҳларни такроран қўллаш.