Mantiqiy dasturlash texnologiyasi

Tarmoqlanuvchi jarayon algoritmi

Tarmoqlanuvchi jarayon algoritmi

Dastur bajarilishini boshqarishning yana bir kuchli mexanzmlaridan biri – takrorlash operatorlari hisoblanadi.

Takrorlash operatori «takrorlash sharti» deb nomlanuvchi ifodaning rost qiymatida dasturning ma’lum bir qismidagi operatorlar(takrorlash tanasi)ning ko’p marta takror ravishda bajarilishini amalga oshiradi.

Takrorlash o’zining kirish va chiqish nuqtalariga ega bo’lib, ba’zan chiqish nuqtasi bo’lmasligi ham mumkin. Agar chiqish nuqtasi bo’lmasa cheksiz takrorlanish sodir bo’ladi. Cheksiz takrorlanish uchun takrorlashni davom ettirish sharti doimo rost bo’ladi.

Takrorlash shartini tekshirish, takrorlanish tanasidagi operatorlarning bajarilishidan oldin tekshirilishi mumkin (for, while takrorlash operatorlarida) yoki takrorlanish tanasining operatorlari bir marta bajarilgandan keyin tekshirilishi mumkin (do-while).

Takrorlanishlarni tashkil etishda takrorlanishlar soni va qadami oldindan ma’lum bo’lgan holatlar uchun for operatoridan, boshqa hollarda esa while hamda do-while operatorlaridan foydalanish maqsadga muvofiq.

Takrorlash operatorlari ichma-ich joylashishi ham mumkin. Quyida takrorlash operatorlari va ularning qo’llanilishi bilan batafsil tanishamiz.

for takrorlash operatorining sintaksisi quyidagi ko’rinishga ega:

for (; ;) ;

Bu operator o’z ishini <ifoda1> ifodasining bajarishidan boshlaydi. Keyin takrorlash qadamlari boshlanadi. Har bir qadamda <ifoda2> tekshiriladi, agar <ifoda2> ning qiymati 0 qiymatidan farqli, ya’ni rost bo’lsa, takrorlash tanasi − <operator yoki blok> bajariladi, so’ngra <ifoda3> bajariladi. Agar <ifoda2> ning qiymati 0 (yolg’on) bo’lsa, takrorlanish jarayoni to’xtaydi va boshqaruv takrorlash operatoridan keyingi operatorga o’tadi. Shuni ta’kidlash kerakki, <ifoda2> ifodasi vergul bilan ajratilgan bir nechta ifodalar birlashmasidan iborat bo’lishi ham mumkin, bu holda vergul bilan ajratilgan ifodalarning oxirgisi takrorlanish sharti hisoblanadi. Takrorlanish tanasi sifatida bitta operator, jumladan bo’sh operator bo’lishi yoki operatorlar bloki ham kelishi mumkin.