«маркетинг фаолиятини таҳлил қилиш ва истиқболлаш»

Oqıtıwdıń interaktiv usılları tómendegi nátiyjelerge alıp keledi:

• 
  Talabalarda sabaqqa, pánge qızıǵıwshılıq artadı;
  
• 
  Dóretiwshi sheriklesler sıpatında islewge úyrenedi;
  
• 
  Tiykarlanǵan (juwap qaytarıwǵa) ózgerislerge, turaqlı tayarlıqqa hám juwapkershilikli máselelerdi sheshiwge úyrenedi;
  
• 
  Oqıw materialı bekkem ózlestiriledi;
  
• 
  Qarım-qatnas jasaw mádeniyatı qáliplesedi;
  
• 
  Oqıwshılar oqıw iskerligine belsendilik penen qatnasadı;
  
• 
  Oqıw ushın qolaylı (unamlı) psixologiyalıq ortalıq jaratıladı hám t.b.
  

Sonı este tutıwımız kerek, jaqsı qoyılǵan soraw, bul juwaptıń yarımın ózine alıp júrgen soraw bolıp esaplanadı. Sonıń ushın sorawdı dál hám anıq etip beriwimiz kerek.
Juwmaqlap aytqanda, sabaq ótiw barısında bunday interaktiv metodlardan paydalanıw oqıwshınıń bilim dárejesiniń asıwında sonday-aq, erkin pikirlew qábiletin, logikalıq oylawın rawajlandırıwda júdá úlken áhmiyeti bar. Sonıń ushın oqıtıwshı hárbir sabaǵın qızıqlı hám mazmunlı ótiwge háreket etiwi zárúr.
Házirgi qaraqalpaq tili pánin oqıtıwda tómendegi Internet resurslarinan paydalaniw usinis etiledi:

1. 
   “Xalq sózi” gazetasi –www info XS.Uz.
   
2. 
   “Márifat” jurnali - www márifat - inform.
   
3. 
   “Jamiyat va boshqaruv” jurnali - www rzult academy fre enet uz .
   
4. 
   www. Ziyonet.uz
   
5. 
   www. edu.uz
   

Juwmaq hám usınıslar
Interaktiv oqıtıw usılları oqıwshılardıń bilim alıwǵa bolǵan talapların qanaatlandıradı, belseniligin arttıradı. Házirgi kúnde qánige metodistler oqıw procesinde unamlı nátiyje bere alatuǵın interaktiv oqıtıw hám topar menen islesiwdiń bir neshe túrlerin usınadı. Moduldi jetilistiriw procesinde tayarlanǵan ámeliy hám óz betinshe jumıslarda innovaciyalıq hám xabar texnologiyaların engiziw talabalarda úyrenip atırǵan tema, mashqalalar boyınsha erkin pikir bildiriw, dáliller menen tiykarlaw, ideyaların elede bayıtıw, bildirilgen pikir alısıwlar arasınan eń durıs sheshimin tańlap alıwǵa úyretiw menen ayrıqsha áhmiyetke iye boladı.
Házirgi zaman pedagogı jas awladtı bilimli, dúnya talaplarına juwap bere alatuǵın kadrlar etip tayarlawdı óz aldına tiykarǵı maqset etip alıwı kerek. Bul wazıypanı ámelge asırıw ushın pedagog shet tillerin jetik biliwi, kompyuter texnikasın, zamanagóy pedagogikalıq hám innovaciyalıq texnologiyalardı tereń ózlestiriwi kerek.
Respublikamızdıń bilimlendiriw sistemasında házirgi kúnde reformalardiń ámelge asırılıwı menen muǵallim, oqıwshı, tárbiyashınıń wazıypaları jáne de artıp barmaqta. Ásirese oqıw sistemasında, mekteplerde balalar qaysı klasstan baslap erkin pikirlewge úyreniwi kerek - degen soraw hár bir pedagogtı tınıshsızlandıradı. Sebebi, dástúriy oqıtıwda kóbirek oqıtıwshılardıń abıroyı, onıń pikirleri hám kóz-qarası birinshi dárejege qoyılıp kelingen bolsa, burinǵi kúnde hár bir oqıwshınıń jeke pikiri, belsendiligi, jeke kóz qarası, bilimliligi, individuallıǵı, erkin pikir aytıwı ushın sharayat jaratıp beriliwi tiyis.
Tálim texnologiyaların qollanıwda áhmiyetli talaplardan biri artıqsha ruwxıy hám fizikalıq kúsh jumsamay, qısqa waqıt ishinde joqarı nátiyjelerge erisiw bolıp esaplanadı. Ko`p jaǵdaylarda oqıwshıǵa az waqıt ishinde onı aqılıy hám ruwxıy sharshatpay bilim beriw, olardıń ko`nlikpe hámde bilimlerin rawajlandırıwǵa itibar qaratılmaqta. Jańadan jańa tálim quralları, tálim usılları jaratılıp atırǵanlıǵı, bir tárepten, oqıtıwshı miynetin jeńilletip atırǵan, ekinshi jaǵınan, jáne de ko`birek miynet etiwdi, izleniwdi talap etpekte.
Hár qanday sabaq óziniń ideyalılıǵı, ilim tiykarların úyretiwi, maqsetli bolıwı, teoriyalıq hám ámeliy túsiniklerdiń birin-biri tolıqtırıp turıwı hám qollanılǵan interaktiv usılları menen bilim alıwshılarǵa qızıqlı bolıwı kerek.
Joqarı oqıw orınlarında pánlerdi mazmunlıq jaqtan izbe-iz baylanıslı halda úyretiw talap etiledi. Bul talabalardıń hár qanday pánniń teoriyasın ańlay biliwi, salıstırıwı, toparlarǵa bóliwi hám ulıwmalastırıw imkaniyatın beredi.
Moduldi úyreniw maqseti qanshelli anıq bolsa, oǵan erisiw dárejesi de sonshelli ańsat boladı.
Talabalardıń bilim hám kónlikpelerin test usılında bahalaw eń maqul usıl bolıp tabıladı. Sebebi test tapsırmaları tálim alıwshılardıń bilim, kónlikpelerin anıq bahalaw imkaniyatın beredi, bilim alıwshılardıń bilim, kónlikpelerin anıqlaw hám bahalaw processi obyektiv ámelge asırıladı, bahalawshı tárepinen subyektivizmge jol qoyılmaydı.
Joqarı maǵlıwmatlı qánigelerdiń ana tilinde durıs sóyley almawı, durıs jaza almawı, basqa bir qánigeniń járdemine mútáj bolıwı qaraqalpaq tilin óz waqtında durıs úyreniwine kewil bólmewinen, ana tiline, sonıń menen birge, óziniń sóylewine itibarsız bolǵanlıǵınan, ana tilin qádirlemewinen kelip shıǵadı. Dáwirler ótiwi menen ana tilin, ádebiyattı, mádeniyattı, úrp-ádet dástúrlerdi, miyraslardı keleshekte qásterlep, abaylap jetkerip beriw xızmetin hár bir áwlad wákilleri atqarıp baradı. Bul oǵada áhmiyetli wazıypanı, minnetti hár bir áwlad óz dáwirinde ılayıqlı dárejede atqarıp, onı kelesi áwladqa jetkerip beriwi maqsetke muwapıq boladı.