«маркетинг фаолиятини таҳлил қилиш ва истиқболлаш»

Jumıstıń maqseti hám wazıypaları: «Qaraqalpaq tili» páni boyınsha «Qospa sózler» temasın oqıtıw procesinde innovaciyalıq bilimlendiriw texnologiyaların qollanıp teoriyalıq jaqtan tiykarlaw, elektron oqıw modulin islep shıǵıw.
Pitkeriw jumısı maqsetinen kelip shıǵıp, tómendegi wazıypalar belgilenip alındı:
1. Pánge baylanıslı ilimiy-pedagogikalıq, siyasiy mazmundaǵı ádebiyatlardı úyreniw, analiz etiw;
2. Qospa sózlerdi oqıtıw procesin innovaciyalıq tálim texnologiyaların hám aldıńǵı shet el tájiriybelerinen paydalanǵan halda jetilistiriw;
3. Pán boyınsha elektron oqıw moduli islenbesin tayarlaw;
4. Oqıtıwda interaktiv metodlardan paydalanıw boyınsha pikir hám usınıslar islep shıǵıw.
Izertlew obyekti: «Qaraqalpaq tili» oqıw modulinde «Qospa sózler» temasın oqıtıwda innovaciyalıq texnologiyalar bolıp esaplanadı.
Izertlew predmeti: «Qaraqalpaq tili» oqıw modulinde «Qospa sózler» temasın oqıtıw barısında innovaciyalıq texnologiyalardı qollanıw bolıp esaplanadı.
Jumıstıń ámeliy áhmiyeti. Joqarı oqıw orınlarında qaraqalpaq tilin oqıtıwdı jetilistiriw ushın metodikalıq ádebiyatlar, ámeliy baǵdarlamalar bolıwı kerek. Usı izertlewden alınǵan juwmaq hám usınıslar filologiyalıq baǵdardaǵı pánlerdi oqıtıwdı shólkemlestiriw hám jetilistiriw, innovaciyalıq texnologiyalardan paydalanıwda ámeliy derek bola aladı dep oylaymız. Jumısta sınalǵan tájiriybeler oqıtıw sapasın arttırıw, talabalardıń pán boyınsha iyeleytuǵın bilim hám kónlikpelerin asırıw imkaniyatın beredi. Sonday-aq, jumıstıń mazmunınan ulıwma bilim beretuǵın mektep, orta arnawlı hám joqarı oqıw orınlarınıń tiyisli bólimleri oqıtıwshıları oqıtıw barısında, talabalar kurs, pitkeriw jumısların jazıwda material sıpatında paydalansa boladı.
Pitkeriw jumısınıń qurılısı. Pitkeriw jumısı kirisiw, eki bap, juwmaq hám usınıslar, paydalanılǵan ádebiyatlar diziminen ibarat.
I BAP. QARAQALPAQ TILI PÁNINEN QOSPA SÓZLERDI OQÍTÍWDÍŃ TEORIYALÍQ HÁM METODIKALÍQ MÁSELELERI