Маъруза № Иситиш асбобларининг классификацияси. Режа

Иситиш асбобларини танлаш, жойлаштириш ва ўрнатиш.Иситиш тизимидаги асосий элементларни жойлаштириш ўрнатиш ва монтаж килиш.Иситиш асбобларининг оптимал турларини танлаш учун қуйидаги асосий кўрсаткичларни эътиборга олиш лозим: бинонинг мақсадга мувофиқлиги, меъморий-технологик режавий ечими ва хонанинг ўзига хос иссиқлик ҳолати, одамларнинг қанча вақт бинони қайси жойида бўлиши, иситиш тизимининг тури ҳамда асбобнинг техник-иқтисодий ва санитар гигиеник кўрсаткичлари.
Энг аввало иситиш асбобларининг техник тавсифномасига таянган ҳолда уларнинг белгиланган жойда ишлатилиши (12.4-жадвал), ҳамда санитария-гигиена кўрсатгичлари талаби асосида қабул қилиш кўзда тутилади.
Айрим ҳолларда иситиш асбобларини танлаб олиш учун, уларнинг бир қанча турларининг техник иқтисодий кўрсаткичлари бир-бири билан таққосланади. Баъзи ҳолларда лойиҳа қилинаётган бинони иситиш асбоблари билан таъминланиши ҳам эътиборга олинади.
Ёнғин ва портлашга қарши, ҳамда юқори санитария - гигиеник талаблар қўйиладиган бино хоналари учун силлиқ қувурли иситиш асбоблари танланади.
12.2-жадвал.
Иситиш асбобларининг техник тавсифномаси

Асбоблар тури ва кўриниши	Маркаси	Ишчи, босим, МПа	Асбобнинг ўртача маҳал­лий гидравлик қаршилиги	Асосий қўлланиш чегараси
1	2	3	4	5
Секцияли чўян радиатор	М, РД МС	0, 6 0, 9	1, 4 1, 6	М, РД-умумий ҳол­ларда, МС - юқори гигиеник талабда
Пўлат панелли радиатор: устунчали вертикал жойлашган: Эгри	РСВ РСГ-1 РСГ-2	0,6	2,0 7,4 3,0	Юқори санитария-гигиена талабли, ораста сув билан ишлайдиган
Силлиқ қувурли асбоб	Дy=32-100 мм	1,0	1,5	Маълум даражада чанг ажралиб чиққанда
Конвектор «Комфорт-20» ҳалқали, худди шундай «Уни­версал-20»	КН20-к	1,0	5,4	Турар-жой жамоат ва ёрдамчи бинолар
Конвектор «Ритм» тўғри оқимли	К020-П, l=150 мм	1,0	5,7	Жамоат биноларининг йирик хоналари
Конвектор «Аккорд»	КА-к КА-п	1,0	4,9 3,9	Саноат биноларининг ёрдамчи ва маиший хоналари
Баланд конвектор	КВ-20	1,0	45,0	Бинонинг зинапоя майдони
Қовурғали қувур	l=500-2000 мм	0,6	1,5	Ишлаб чиқариш бинолари

Биноларининг барча қурилмалари билан узвий боғланган бетон панелли иситиш қурилмалари хона ичини тоза сақлашга қодирдир. Пўлат панелли радиаторлар ва силлиқ юзали қувурдан ясалган иситиш асбобларини гигиена талаби камроқ ва хона ички кўринишига, дизайн жиҳатидан пастроқ талаб қуйиладиган хона жойларига ўрнатиш лозим. Оддий санитария-гигиена талаблари қўйиладиган биноларда силлиқ юзали қувурлар ва қовурғали радиаторлар танлаш мақсадга мувофиқ бўлади.

Фуқаро биноларида кўпинча иситиш асбоблари сифатида конвекторлар қўлланилади, ишлаб чиқариш биноларида эса чўяндан қуйилган секцияли радиаторлар ва қовурғали қувурлар ишлатилади. Шунингдек уларнинг иссиқлик бериш коэффициенти узунлик бирлигига нисбатан анча баландлигидадир. (12.3-жадвал).
Инсонлар қисқа вақт бўладиган бино хоналари учун (2 соатдан камроқ) ихтиёрий иситиш асбобини ишлатиш мумкин, фақат уларнинг юқори самарали техник-иқтисодий кўрсаткич­лари эътибордан четда қолмаслиги лозим.
12.3-жадвал
1-метр узунликка эга бўлган иситиш асбобларининг нисбатан иссиқлик бериш катталиклари

Иситиш асбоби	Асбобнинг экм бўйича ўлчами, мм	1-метр узунликдаги асбобнинг иссиқлик бериши, %
Секцияли радиатор	140/90	100/72
Fилофли конвектор	160	65
Панеллик радиатор	18-21	50
Қовурғали қувур	175	45
Fилофсиз конвектор	60-70	30
Силлиқ қувур	108	13