Ma`ruza №2: Korxonada ta’mirlash xizmatini tashkil qilish

---

Ma`ruza №2: Korxonada ta’mirlash xizmatini tashkil qilish 
 
Kimyo va neftni qayta ishlash zavodlarida uskunalarni montaj qilish – yangi 
obyektlarni qurish vaqtida, shuningdek, ishlab turganlarini ta’mirlashda va qayta 
tiklash amalga oshiriladi. Oxirgi ikki holatda montajdan oldin demontaj 
о‘tkaziladi, uni qoida bо‘yicha teskari ketma-ketlikda olib boriladi. 
2.1. Ta’mirlashni rejalashtirish va tashkil etish.
Barcha montaj ishlari texnik hujjatlarga asoslanib olib boriladi. Hujjatlar: 
birlamchi, ijro qilinuvchi (oraliq) va ishni topshirish hujjatlariga bо‘linadi. 
Birlamchi hujjatlar. Har qanday yangi qurilish yoki qayta tiklash ishlari 
avvaldan tuzilgan va tasdiqlangan loyihaga mos ravishda о‘tkaziladi. Yirik 
obyektlar maxsus topshiriq bо‘yicha loyihalash tashkilotlari tomonidan 
loyihalanadi. Ushbu tashkilotlar bu soha obyektlarini loyihalashga ixtisoslashgan 
bо‘lishi kerak. Ular buyurtmachi-qurilayotgan korxonaga kerakli bо‘lgan barcha 
loyihalash hujjatlarini beradilar. Mayda qurilish obyektlari korxonaning 
loyihalash bо‘limlarida loyihalanadi. 
Buyurtmachi tomonidan berilayotgan loyihalash topshirig‘i asosida 
loyihalovchi tashkilot obyektning narxi, uning о‘rganilganligi, namunaviy 
loyihalarning mavjudligi yoki sinalgan yechimlardan kelib chiqib, loyihalashni bir 
yoki ikki bosqichda amalga oshiradi. 
Bir bosqichli loyihalashda buyurtmachiga texnik-ishchi deb ataluvchi loyiha 
beriladi. Yirik obyektlar ikki bosqichda loyihalanadi – texnik loyiha va ishchi 
chizmalar. Texnik loyiha (birinchi bosqich) barcha masalalarni aniq ishlab chiqish 
va ularni yechilishini о‘z ichiga oladi. Ishchi chizmalar (ikkinchi bosqich) 
aniqlangan va tasdiqlangan texnik loyiha asosida tuziladi. Birlamchi hujjatlarga 
montaj texnologiyasi loyihalari ham kiradi.