2. Учта дискни ўзаро бир тўғри чизиқда ётмаган учта шарнир ёрдамида туташтириб, геометрик ўзгармас система ҳосил қилиш мумкин (3.5-расм, б).
3 . Иккита дискни ўзаро геометрик ўзгармас қилиб, битта шарнир ва бир стержен ёрдами-да туташтириш мумкин. Бу ерда стержен шарнир марказидан ўтмаслиги лозим (3.5-расм, в).
4. Иккита дискни ўзаро геометрик ўзгармас қилиб, бир нуқтада кесишмайдиган ва бир-бирига параллел бўлмаган учта стержен ёрдамида туташтириш мумкин (3.5-расм, г).
Бу шартларни таҳлил қилиб қарасак, уларнинг асосини учбурчак ташкил қилишини кўрамиз. Демак, энг оддий геометрик ўзгармас система учбурчак ҳисобланади.
Агарда иншоот элементлари юқоридаги шартлар асосида бириктирилган бўлса, у геометрик ўзгармас бўлади. Ҳар бир қаралаётган иншоотни ҳисоблаш тарҳи геометрик ўзгармас система эканлигига ишонч ҳосил қилиш учун W 0 зарурий шартнинг бажарилишидан ташқари, система элементларининг бир-бири билан ўзаро боғланишини юқоридаги қайд қилинган шартларга асосан таҳлил қилиш лозим.
Маърузани мустаҳкамлаш учун саволлар.
1. Иншоотларни ҳисоблаш тарҳининг кинематик таҳлили деб нимага айтилади?
2. Иншоотларни эркинлик даражаси деб нимага айтилади?
3. Диск деб нимага айтилади?
4. Оддий ва каррали шарнир деб нимага айтилади?
5. Иншоотларнинг эркинлик даражаси қайси формула билан аниқланади?
6. Геометрик ўзгармас иншоот деб, кандай иншоотга айтилади?
7. Геометрик ўзгарувчан иншоот деб, кандай иншоотга айтилади?
8. Геометрик ўзгармас иншоотлар хосил килиш шартларини айтинг?
9. Иншоотлар ҳисоблаш тарҳининг статик таҳлили кандай текширилади?
10. Иншоотлар ҳисоблаш тарҳи тузилишининг таҳлили кандай бажарилади?
Do'stlaringiz bilan baham: |
