- Mavzu: 2) Tayyorgarlik ishlari: qurilish olib
- boriladigan joylarni ish boshlashga tayyorlash
- Reja
- 1. O‘simlik qatlami gruntini ko‘chirib olish ishlari
- tarkibi va usullari.
- 2. O‘simlik qatlami gruntini ko‘chirib olish ishlarini
- tashkil etish.
- 3. Vaqtinchalik suvni chetlatish qurilmalarini qurish.
- 4. Eski muhandislik tarmoqlarini buzish va ko‘chirish.
- 5. Ishlarni bajarishda sifat nazorati, xavfsizlik
- texnikasi va atrof muhit muhofazasi.
- Aerodromlarda bajariladigan yer qazish ishlari oʻzining tarkibi va tashkil etilishiga koʻra avtomobil yoʻllari, shahar koʻchalari hamda gidrotexnika qurilishidagi yer qazish ishlaridan ancha farq qiladi.
- Aerodrom qurish ishlarini tashkil qilishning oʻziga xos xususiyati shundaki, ular nisbatan keng (1 km gacha ) va qisqa (4-5 km gacha) maydonlarda olib boriladi. Bu esa yer qazish va transport mashinalarini cheklangan maydonda toʻplash va ishni boʻylama usulda uzluksiz tashkil qilish imkonini beradi.
- Mineral tuproq bilan bogʻliq ishlar aerodrom qurilishi tajribasida faqat aerodromning uchish maydonida emas, konlardagi yuzani ochish ishlarida, qum va shagʻal konlarini qazishda, uchish maydonida avtomobil yoʻllari qurishda hamda aerodromga avtomobillar keladigan yoʻllar qurilishida ham uchraydi.
- Aerodrom qurilishi tajribasida mineral tuproq bilan ishlarni bajarishda yer qazish ishlarini amalga oshirishning quyidagi ikki asosiy texnologik sxemasi qoʻllanishi mumkin:
- I-chuqurdagi yoki tuproq konidagi tuproqni kavlab olish va uni koʻtarmaga surib keltirish:
- II-uchish maydonidagi sifatsiz tuproqni yoki kondagi yuza jinsni kavlab olib, uyumga surib keltirish.
- Oʻsimlik qatlami bilan ishlash.
- Vertikal tekislash loyihasida nazarda tutilgan, oʻsimlik oʻsadigan tuproq qatlami bilan bogʻliq ishlar uch bosqichda olib boriladi: birinchi bosqichda qatlam kesib olinadi va uyumlanadi; ikkinchi bosqichda mineral tuproq bilan bogʻliq ishlar bajarib boʻlingandan keyin, uchish maydonining tuproqli qismida taqsimlanadi; uchinchi bosqichda agrotexnika ishlari amalga oshiriladi. Bu holda oʻsimlik oʻsadigan tuproq qatlami mustahkam chim qoplama hosil qilish uchun material vazifasini oʻtaydi. Chim hosil qiluvchi Oʻtlarning ildizi yaxshi rivojlanishi uchun oʻsimlik oʻsadigan tuproq qatlamining qalinligi zichlangan holatda 10-12 sm dan kam boʻlmasligi, undagi chirindi miqdori kamida 5% boʻlmogʻi kerak.
- Choʻzinchoq joylardagi oʻsimlik oʻsadigan tuproq qatlamini kovlab olish va yana joyiga qaytarishda tuproq u chuqurning choʻziq tomoni boʻylab, mineral tuproqni surish yoʻnalishiga teskari tomondan uyumlarga yotqiziladi.
Do'stlaringiz bilan baham: |
