Ma’ruza mashg`ulot uchun

Listing 7.5. Quyidagi matn berilgan:
- “Bugun biz C# ning qatorlar bilan ishlovchi asosiy operatorlari, funksiyalari va metodlarini ko‘rib o‘tdik!”.
Ushbu matndan qirqib tashlash orqali “C# ning asosiy operatorlari funksiyalari va metodlari” matnini qoldiring.

using System; using System.Text; namespace stroka4 { class Program { static void Main(string[] args) { string s="Bugun biz C# ning qatorlar bilan ishlovchi asosiy operatorlari, funksiyalari va metodlarini ko‘rib o‘tdik!"; Console.WriteLine("Berilgan matn:\n" + s); string s1 = s.Substring(s.IndexOf("C#"), "C# ning qatorlar bilan ishlovchi asosiy operatorlari, funksiyalari va metodlari".Length); s = s1.Remove(s1.IndexOf("qatorlar"), "qatorlar bilan ishlovchi ".Length); Console.WriteLine("Natija:\n"+s); Console.ReadKey(); } } }

8-ma’ruza. Metodlar va ulardan foydalanish.

Reja:

1. 
   Metod va protsedura tushunchalari
   
2. 
   C# da Metodlar yaratish
   
3. 
   return – operatori
   
4. 
   Ruxsat berish modifikatorlari
   
5. 
   Massivli parametrlari va params kalit so’zi
   
6. 
   Parametr sifatida massiv.
   
7. 
   Rekursiya va Rekursiv funksiyalar.
   
8. 
   Qayta yuklanuvchi metodlar
   

8.1. Metod va protsedura tushunchalari
Dasturlashda shunday xolatlarga duch kelinadiki, qandaydir dastur qismini dasturda bir necha marta ishlatishga to‘g‘ri keladi. Bunday xolatlarda dasturning sodda va ixcham ko‘rinishga keltirish uchun ko‘p foydalaniluvchi dasturiy kodni alohida dastur qilib, ya’ni protsedura yoki Metod ko‘rinishidagi qism dastur sifatida ifodalab olinadi. So‘ngra lozim bo‘lganda shu qism dasturga murojaat qilib kerakli natijaga erishiladi.
Protsedura-bu ma’lum vazifani bajarishga mo‘ljallangan qism dasturdir. Protseduraga asosiy dastur tanasidan murojaat qilish mumkin. Agar protsedura unga taqdim qilinuvchi o‘zgaruvchilar asosida qandaydir vazifani bajarishga mo‘ljallangan bo‘lsa bunday protseduralar parametrli protseduralar deb ataladi.
Metod – protseduraga o‘xshash qism dastur. Farqi, Metod uning tanasidagi qism dastur bajarilgandan so‘ng muayyan bir qiymatni qaytarishga mo‘ljallanganligi va Metodni u qiymat qaytarganligi sababli ifodalar tarkibida qo‘llash mumkinligidir.
C# da method, procedure, function kabi kalit so‘zlar yo‘q. C# da har qanday protsedurani Metod ko‘rinishida yozish mumkin, shuning uchun protsedura tushunchasi chiqarib tashlangan. Faqat, agar Metod qiymat qaytarmasligi va xuddi protsedura kabi vazifa bajarishi lozim bo‘lsa, u holda Metodni e’lon qilishda void xizmatchi so‘zidan foydalaniladi.