Ma’ruza materiallari 1-mavzu: investitsiyalarning iqtisodiy mazmuni va mohiyati reja

3-mavzu. Investitsiya faoliyati va investitsiya siyosati
Reja:

3.1.Investitsiya faoliyati tushunchasi. O’zbekistonda investitsiya faoliyatini muvofiqlashtirishda davlatning roli.

3.2. Investitsiya faoliyatiga ta’sir etish omillari va usullari.
3.3. O’zbekistonda investitsiya faoliyatining me’yoriy-qonuniy bazasi.
3.4.Xo’jalik yurituvchi subyektlarning investitsiya faoliyatini tashkil etish. Xo’jalik yurituvchi subyektlarning investitsiya faolligini ta’minlash vazifalari.
3.5.Investitsiya siyosati: uning mazmuni, roli, asosiy yo’nalishlari va amalga oshirish bosqichlari.
3.6.Globallashuv va chet el kapital migratsiyasining kuchayishi. Zamonaviy investitsiya siyosatini amalga oshirishda chet el investitsiyalari ko’chishini hisobga olish.


Tayanch iboralar: Investitsiya faoliyati, investor, investitsiya faoliyati obyektlari, investitsiya faoliyati subyektlari, investitsiya siyosati, investitsiya loyihasi


3.1. Investitsiya faoliyati tushunchasi. O’zbekistonda investitsiya faoliyatini muvofiqlashtirishda davlatning roli.


Investitsiya faoliyati investitsiya faoliyati subyektlarining investitsiyalarni amalga oshirish bilan bog’lik bo’lgan harakatlari majmuasi tushuniladi.
Investitsiya faoliyatini yo’lga qo’yishda har bir mulk egasi birinchi navbatda o’z manfoatini ko’zlab yagona bir maqsadga, ya’ni foyda olishga yoki ijtimoiy samara olishga intiladi.
Investitsiya faoliyatida investitsiya subyekti, investitsiya obyekti, investor, emitent, investitsiya resurslari kabi tushunchalar mavjud.
Investitsiyaning obyekti bo’lib, mablag’lar ya’ni boyliklarni safarbar etayotgan obyektlar tushuniladi. Ular yangi korxonalar yoki amaldagi korxonalar, qimmatli qog’ozlar, bank depozitlari bo’lishi mumkin.
Investitsiya subyekti bo’lib, investitsiyani amalga oshiruvchi yuridik va jismoniy shaxslar tushuniladi. Ular: xorijiy davlatlar, halqaro tashkilotalar, mahalliy davlat hokimiyati organlari, davlat boshqaruv organlari, turli mulkchilik shaklidagi korxona va tashkilotlar, mulk egasi bo’lgan fuqorolar bo’lishi mumkin.