Mashinalı oqıtıwǵa kiriw pániniń wazıypası

Logistikalıq regressiyanıń tiykarǵı ideyası

Logistikalıq regressiya - bul maqsetli ózgeriwshiniń itimallıǵın boljaw ushın isletiletuǵın qadaǵalaw astında uyreniletuǵın klassifikatsiya algoritmı. Maqsetli yamasa baylanıslı ózgeriwshiniń tábiyaatı eki tárepleme, yaǵnıy tek eki múmkin bolǵan klasslar bar bolıwın ańlatadı.

Ápiwayı sózler menen aytqanda, baylanıslı ózgeriwshi eki ayrıqshalıqǵa iye bolıp, maǵlıwmatlar 1 (jetiskenlik / awa degen mánisti ańlatadı ) yamasa 0 (áwmetsizlik / joq degen mánisti ańlatadı ) retinde kodlanǵan.

Matematikalıq tárepten logistikalıq regressiya modeli P (Y = 1) ni X funktsiyası retinde shama etedi, bul spamdı anıqlaw, diabetti boljaw, saratan keselligin anıqlaw sıyaqlı hár qıylı klassifikaciyalaw máseleleri ushın isletiliwi múmkin bolǵan eń ápiwayı MO algoritmlarınan biri bolıp tabıladı.

Logistikalıq regressiya túrleri
Ádetde logistikalıq regressiya ekilik maqsetli ózgeriwshilerge iye bolǵan ekilik logistikalıq regressiyani ańlatadı, biraq shama etiletuǵın taǵı eki maqset ózgeriwshiler klassları bolıwı múmkin. Logistikalıq regressiyani bul klasslar sanına qaray tómendegi túrlerge bolıw múmkin:


Ekilik yamasa Bınamial
Bunday klassifikaciyada ǵárezli ózgeriwshiniń tek 1 hám 0 bolıwı múmkin bolǵan eki túri boladı, mısalı, bul ózgeriwshiler tabıs yamasa áwmetsizlikti, awa yamasa joqtı, tabıstı hám joytıwdı hám basqalardı sáwlelendiriwi múmkin.


Kóplik yamasa multinomial logistikalıq regressiya
Bunday klassifikaciyalawda ǵárezli ózgeriwshi tártipsiz túrlerdiń 3 yamasa odan artıq túrlerine yamasa muǵdarlıq áhmiyetke iye bolmaǵan túrlerge iye bolıwı múmkin. Mısalı, bul ózgeriwshiler " A tip" yamasa " B tip" yamasa " S tip" ti sáwlelendiriwi múmkin.


Ápiwayı
Bunday klassifikaciyada ǵárezli ózgeriwshi 3 yamasa odan artıq múmkin bolǵan tártiplengen túrlerge yamasa muǵdarlıq áhmiyetke iye bolǵan túrlerge iye bolıwı múmkin. Mısalı, bul ózgeriwshiler "jaman" yamasa " jaqsı", " júda jaqsı", "ayrıqsha" hám hár bir kategoriya 0, 1, 2, 3 sıyaqlı ballarǵa iye bolıwı múmkin.