Mashinalardan foydalanish asoslari
Qishloq xo‘jalik texnikasiga texnik xizmat ko‘rsatish va ta’mirlash
Download 3.58 Mb. Pdf ko'rish
|
машина фойда асослар фанидан дарслик
|
4.2. Qishloq xo‘jalik texnikasiga texnik xizmat ko‘rsatish va ta’mirlash
tuzilmasi (Agromashservis uyushmasi) TXK va T tizimining asosi uning tuzilmasi va me’yorlaridan iborat. Tuzilma ta’sir ko‘rsatish turlari va ularning soni bilan ifodalanadi. Me’yorlar ta’sir ko‘rsatish davriyligi, ish hajmi, amallar nomi va boshqalarning muayyan qiymatlarini o‘z ichiga oladi. Texnik xizmat ko‘rsatishning tartibi bajariladigan amallar nomi, ularning davriyligi va ish hajmidan iborat. 48 QXTga TXK va T tuzilmasi quyidagicha shakllanadi (5.1-rasm). Xo‘jalikda QXT ishlaganda paydo bo‘ladigan buzilishlar oqimi ish qobiliyatini ta’minlash strategiyasi bo‘yicha quyidagilarga taqsimlanadi: 1. Ta’mirlash orqali ish qobiliyatini tiklash strategiyasi. Bunda amallar ta’mir turlari bo‘yicha guruhlanadi (mashina va agregatlarning mukammal ta’miri, joriy ta’miri). 2. TXK orqali ish qobiliyatini saqlab turish strategiyasi. Bunda ish qobilyatini saqlab turish va ishlash davomiyligi bo‘yicha profilaktika qilish taktikalari orqali o‘zining maqbul davriyligi bo‘lgan profilaktik amallar xizmat ko‘rsatish turlari bo‘yicha guruhlanadi (kundalik xizmat ko‘rsatish, TXK-1, TXK-2 va h.k). 4.1-rasm. QXTga TXK va ta’mirlash tizimining tuzilmasi . 1 – ishlayotgan MTP parki; 2 – QXT ishlaganda paydo bo‘ladigan buzilishlar oqimi (500-700 nomdagi); 3 – ish qobiliyatini ta’minlash strategiyasi bo‘yicha oqimning taqsimlanishi; 4 – II-strategiya – ta’mir - ish qobiliyatini tiklash (k=300 400); 5 – I- texnik xizmat ko‘rsatish – ish qobiliyatini saqlab turish (S=200 300); 6 – TXKning ish qobiliyatini saqlab turish taktikasi bo‘yicha bo‘linishi; 7 – ishlash davomiyligi bo‘yicha profilaktika qilish – I-I taktika; 8 – I - II texnik holati bo‘yicha profilaktika qilish; 9 – o‘zining optimal l s davomiyligi bo‘lgan profilaktik amallar (xizmat ko‘rsatish turlari bo‘yicha); 10 – amallarni texnik xizmat ko‘rsatish bo‘yicha guruhlash 11 – amallarni ta’mir turlari bo‘yicha guruhlash; 12 – TXK va ta’mir tizimi: TXK va T turlari (QXT va agregatlarni joriy va mukammal ta’mirlash), me’yorlar, texnologik va tashkiliy. QXT ish qobiliyatini tadqiqot etish sarflarining 80-87% ni profilaktik amallar nomi va ular davomiyligini aniqlash, 13-20% ni ta’mir turlari soni va 49 ular davomiyligini aniqlashga ketadi. Amallarni guruhlashda TXK ning shu turi davriyligi ayrim amallarning maqbul davriyligidan majburiy tarzda og‘adi. Bunda “guruhiy” davriylik usuli qo‘llaniladi. TXK davriyligining bajarilishi asosiy amallarning maqbul davriyligiga tenglashtiriladi. Tahlillar ko‘rsatishicha, TXK ning 2-3 turi qo‘llanilganda tashkiliy sarflar minimumni tashkil etadi. QXTning qo‘p yillik tajribasidan quyidagilar ma’lum: O‘zbekistonda va Mustaqil hamdo‘stlik davlatlarida TXK ning uch bosqichi: KXK, TXK-1 va TXK-2 (keyingisi bilan birga mavsumiy xizmat o‘tkaziladi) tizimi keng tarqalgan. Firma usulida servis xizmat ko‘rsatilayotgan tizim bundan istisno, chunki unda davriylik bir xil, lekin ishlar nomi va hajmi QXTning bajargan ishi o‘zgarishi bilan o‘zgarib boradi. Download 3.58 Mb. Do'stlaringiz bilan baham: 
|