Matematikaliq maselelerdi sheshiwde qollanilatugin ameliy uskenelik paketler Reje

Tálim tarmaqlarında ámeldegi resurslardaǵı ınteraktiv tapsırmalar. Bunda mısallar sanınıń kópligi hám olardıń tosınarlı tárzde generaciya etilgenligi sebepli tapsırmalar tákirarlanbaydi, jámi urınıslar sanı, olardan tuwrı orınlanǵanlar sanı, ulıwma bahası protsentte kórsetiledi. Bul oqıtıwshı hám oqıwshılarǵa ınteraktiv tapsırmalardan úyretiwshi retinde paydalanıwǵa múmkinshilik beredi.
Pán-texnika hám rawajlanıw asri bolǵan házirgi dáwirde barlıq tarawlarǵa jańa innovciyalıq texnologiyalardıń kirip keliwi nátiyjesinde jedel pát menen ósiw gúzetilip atır. Mámleketimiz tálim sistemasın reformalaw, maman kadrlardı tayarlaw máselelerinde de áne sonday aldıńǵı pedagogikalıq usıllardan keń paydalanılıp atır. Bul bolsa óz- ózinen tálim sapasın asırıw menen bir qatarda, oqıwshınıń ózlestiriw natiyjeliligin da ósiredi.
Kompyuterden talim processinde jedel paydalanıw pán oqituvchilari iskerliginde oqıw shınıǵıwların texnologiyalastırıwda járdem beriw menen bir qatarda temalardı tolıq kórsetip beriwge, sabaqlardı oqıwshılar menen birgelikte shólkemlestiriwge múmkinshilik jaratadı. Bul bolsa óz gezeginde oqıwshılardı individual tárzde baqlawǵa járdem beredi. Bunıń nátiyjesinde oqıtıwshınıń tiykarǵı itibarı oqıwshıǵa qaratıladı. Odan tısqarı sabaq hám sabaqtan tısqarı shınıǵıwlarda oqıwshılar tema maydanınan ǵárezsiz túrde maǵlıwmatlar alıwı, paydalanıwı múmkin boladı.
Kompyuterlesgen sistema tiykarında shólkemlestiriletuǵın sabaqlarda maǵlıwmatlar anıq, tuwri tilde beriliwi, ılajı bolǵanınsha kórgezbeli programmalardıń bolıwı, temanıń túrli kóriniste onıń jánede sapalı bolıwın támiyinleydi.
Jańa pedagogikalıq texnologiyalar tiykarında shólkemlestiriletuǵın sabaqlarda oqıw procesiniń bir neshe túri bar. Kórgezbeli slaydlar - oqıwshılarǵa quramalı temalardı ózlestiriwge qolaylıq jaratadı.
Úyretiwshi - programmalıq úyretiwshilar didaktik qural wazıypasın atqaradı. Olar úyretiw menen birgelikte oqıwshılarǵa óz-ózin bahalawda hám qátesinińni anıqlawdada zárúrli járdemshi bolıp xızmet etedi. Olarǵa oqıw pánlerin tiykarǵı maqsetin kórsetip bergen test hám oyın programmaların kirgiziw múmkin.
Programmalıq - qadaǵalaw quralları - test, anıqlaw hám basqatirmalardan programmalastırılǵan tárzde paydalanıw - barlıq oqıw predmetleriniń tiykarın quraydı. Oqıwshınıńda temalardı bekkemlew, ózlestiriw sapasın kóteriw maqsetinde bul qurallardı jaratıw hám nátiyjeni ámelde qollanıw múmkin. Olar test juwapların tabıwı, ball jıynawları hám kompyuterdiń bahalaw kriteryası tiykarında bahalaniwlari názerde tutıladı.
Qosımsha tárzde tabısıw hám basqatırmalardıń usınıs etiliwi oqıwshınıń toplaǵan balların jánede asırıw ushın xızmet etedi. Ámeldegi tabısıwlar hám oyınlar oqıwshınıń ótilgen hám maǵlıwmatqa iye bolǵan temaları maydanınan tayarlanǵan bolıp, málim waqıt aralıǵinda juwap beriw talap etiledi.[6]

- Grafikler menen islewge mólsherlengen úyretiwshi-tapsırmalar bolsa oqıtıwshıǵa funkciya grafigini soǵıwdı úyretiwde, funkciya parametrleri hám onıń grafigi arasındaǵı baylanısıwdı túsindiriwde keń múmkinshilikler beredi.
- Qızıqlı oyınlar, animaciya, video, tariyxıy maǵlıwmatlar hám algebralıq bilimlerdiń ámeliyatdaǵı túsindirmesi haqqında maǵlıwmatlar sabaq procesin bayıtıw, oqıwshılar qızıǵıwshılıǵın hám usınıń menen birge sabaq natiyjeliligin asırıwǵa, juwmaqlawshı test qadaǵalawı bolsa ózlestiriwdi qalıs bahalawǵa múmkinshilik beredi.
- Usı EATRlardan tikkeley algebra sabaqlarında, sabaqtan tısqarı (fakultativ) shınıǵıwlarda paydalanıw, úyde bolsa oqıwshılar tárepinen úyretiwshi retinde ǵárezsiz túrde bilim hám kónlikpelerdi bekkemlew ushın mólsherlengen bolıp, oqıtıwshıǵa oqıw procesin bayıtıw hám natiyjeliligin asırıw ushın bir qatar múmkinshiliklerdi beredi.
Tálim processinde elektron interaktiv doska (EID) menen paydalanıw, interaktiv usıllarǵa tiykarlanǵan elektron informacion-tálim resurslar járdeminde zamanagóy sabaqlardı ótkeriwge úyretiw ushın elektron informacion-talim resurslarini jaratılıwma tiykar etip alınǵan.