Materiallari

11–Ma`ruza
Texnologik xujjatlarning metrologik nazorati.
Kalit so`zlar: Texnologik xujjat, eskiz kartalari, marshrut kartasi, operasion karta, tipik operasiya, ekspluatasionn xujjat, jixozlar vedomosti.

Reja:

1. 
   Texnologik xujjatlarni metrologik nazoratdan o`tqazishning maqsadlari va vazifalari.
   
2. 
   Texnologik xujjatlarning turlari va ularning nazorati.
   

Adabiyotlar:

1.Balabanov A.N. «Kontrol` texnicheskoy dokumentasii»

2.Go`ST 2 111-68 ESKD Normokontrol`, Moskva Standart inform 2007.

3.www.standart.uz

1. Texnologik xujjatlarni metrologik nazoratdan o`tkazishning maqsadlari va vazifalari

Texnologik xujjatlarni nazoratdan o`tkazish ushbu xujjatlarda ko`rsatilgan aniqlik me`yorlarini, o`lchashlarning uslublarini, vositalarini, shart-sharoitlarini va proseduralarini standartlar, Davlat .o`lchashlar Tizimi va boshqa me`yoriy xujjatlarning talablariga mos ravishda o`rnatish maqsadida amalga oshiriladi.

Texnologik xujjatlarni metrologik nazoratdan o`tkazishning vazifalari quyidagilardan iborat:

• 
  o`lchanadigan parametrlarning optimal nomenklaturasini aniqlash;
  
• 
  o`lchashlar aniqligining texnologik jarayonlarning optimal rejimini ta`minlash talablariga mos keluvchi ko`rsatkichlarini o`rnatish;
  
• 
  o`lchashlarni o`tkazish vositalari va uslublari tanlanishining to`g`riligini baxolash;
  
• 
  o`lchashlarning berilgan aniqligini va zaruriy unumdorlikni ta`minlaydigan bir xillashtirilgan, avtomatlashtirilgan o`lchash vositalarini ko`proq qo`llash imkoniyatini aniqlash;
  
• 
  qo`llaniladigan o`lchash vositalarining minimal mexnat sarfi va berilgan aniqlikda operasiyaning minimal tannarxini ta`minlashini baxolash;
  
• 
  o`lchashlarni o`tkazishning standavrtlashtirilgan yoki attestasiyadan o`tkazilgan uslublarining ko`proq qo`llanilishini o`rnatish;
  
• 
  o`lchash, nazorat qilish va sinovdan o`tkazish natijalariga xisoblash texnikasi vositalari yordamida ishlov berishning maqsadga muvofiqligini aniqlash;
  
• 
  fizikaviy kattaliklar va ularning birliklarining to`g`ri nomlanishi va belgilanishini o`rnatish.