|
Eronning xalqaro ahvoli.
19-asr boshlariga kelib Eron xalqaro siyosatda muhim o’rin tuta boshladi. Bunga Buyuk Britaniya va Fransiyaning Sharqda hukmronlikni о’z qo’llariga olish uchun boshlagan kurashlari hamda Rossiyaning Kavkazni qo’lga kiritishga intilayotganligi sabab bo’ldi.
Buyuk Britaniya va Fransiya Rossiyaning Kavkazda mustahkamlanib olishiga yo’l qo’ymaslik maqsadida bu o’lkada katta hududlarni bosib olgan Eronni qo’llab-quvvatlay boshladi. Biroq bu hol Rossiyaning Kavkazga nisbatan siyosatini o’zgartira olmagan.
Aksincha, Rossiya Eron bilan urushda birin-ketin g’alaba qozonib, о’zi uchun qulay shartnomalar tuzilishiga erishgan.
Chunonchi, 1813-yilda bu ikki davlat о’rtasida imzolangan shartnoma Rossiyaga Kavkazda yanada mustahkamlanib olishga imkon berdi. 1826-1828-yillarda bo’lib о’tgan Eron Rossiya urushida Eron yana yengildi. Ikki davlat о’rtasida imzolangan Turkmanchoy shartnomasiga ko’ra, Rossiyaning Kavkazdagi mavqei yanada mustahkamlandi. Eron esa Kavkazorti hududlarida bo’lgan da’ vosidan voz kechdi.
Do'stlaringiz bilan baham: | 
