Tizim yoki ayrim bo‘g‘inlarning statik xarakteristikasini quyidagicha ifodalash mumkin: y = f (x) 1-rasmda ART statik xarakteristikalarining turlari tasvirlangan. a, b, dagi statik xarakteristikalari chiziqli, kolganlari esa chiziqli bo‘lmagan statik xarakteristikalardir. Chiziqli statik xarakteristika analitik ravishda quyidagi ifoda bilan tavsiflanadi: y = a + kx, bunda a -doimiy kattalik, k = tga statik xarakteristikasining absissalar uki tomon og‘ish burchagini ifodalovchi doimiy kattalik. 1 – rasm, b ga muvofiq y = kx shaklida yozish mumkin, bu erda, k - uzatish koeffisienti, u tizimning kuchayish koeffisienti yoki statik xarakteristikaning tikligini ifodalaydi. Bo‘g‘inlarning ketma-ket ulanishida oldingi bo‘g‘inning chiqish kattaligi keyingi bo‘g‘in uchun kirish kattaligi bo‘ladi. Bu hol quyidagi munosabatlar ko‘rinishida aks etadi: Har bir bo‘g‘in alohida-alohida o‘zining mos statik xarak-teristikalariga ega: Demak, ketma-ket ulangan bo‘g‘inlarning xarakteristikasi shu bo‘g‘inlarning statik xarakteristikalaridan aniqlanadi: Agar tizimga kirgan bo‘g‘inlarning barcha xarakteristikalari chiziqli bo‘lsa, umumiy xarakteristikasi ham chiziqli bo‘ladi. Birgina bo‘g‘inning xarakteristikasi chiziqli bo‘lmagan bo‘lib koladi. Rostlash jarayoniga rostlanuvchi ob’ekt va tizimning boshqaruvchi qismining xususiyatlari ta’sir ko‘rsatadi. Rostlanuvchi ob’ekt xususiyatlarini o‘rganish avtomatik rostlash tizimini asosli loyihalash imkoniyatini beradi. Rostlanuvchi ob’ektning asosiy xususiyatlari: o‘z-o‘zidan to‘g‘rilanish; sig‘im, yuk, tarqalish vaqti, tezligi va kechikish. Ob’ektning g‘alayonlanish paydo bo‘lganidan so‘ng odam yoki avtomat rostlagich yordamisiz yana muvozanat holatiga qaytish xususiyati o‘z-o‘zidan to‘g‘rilanish deyiladi. o‘z-o‘zidan to‘g‘rlanishning sonli qiymati o‘z-o‘zidan to‘g‘rilanish darajasi (koeffisienti) va tarqalish tezligi orqali baholanadi.
Do'stlaringiz bilan baham: |
