Metenamin (Geksametilentetramin) - Methenaminum (Hexamethylentetraminum). 1,3,5,7 -tetraazatrisiklodekan.
Rangsiz kristallar yoki hidsiz oq kristall kukun. Qizdirilganda suyuqlanmasdan uchuvchanlik xossasiga ega. Suvda oson eriydi, 95 % li spirt va xloroformda eriydi, efirda kam eriydi.
Geksametilentetraminni birinchi marta 1860-yilda rus kimyogari A.M. Butlerov formaldegidga ammiak eritmasi ta’sir ettirib olgan. Uni tibbiyotda faqat 35 yil o'tgandan keyingina, ya'ni 1895-yilda dori sifatida qo'llanila boshlandi. Hozirgi vaqtda geksametilentetraminni formalinga ammiakning 25 %li suvdagi eritmasidan ortiqcha qo'shib olinadi. Bunda avval aralashmani turli rangli moddalardan tozalash maqsadida unga faollashtirilgan ko‘mir qo'shib aralashtiriladi. Suyuqlikni filtrlagandan so'ng 40-50°C haroratda vakuum sharoitida quyuqlashgunicha bug'lantiriladi va natijada undan sovitish yo'li bilan geksametilentetraminni kristall holida ajratib olinadi:
Do'stlaringiz bilan baham: |
