Mavzu: Aniq integralni shakllarning yuzlari va hajmlarini hisoblashga, fizikaviy va texnikaviy masalalarni hisoblashga qo`llash

Darsning borishi:

I. Tashkiliy qism:

“Milliy dastur ravnaqi – kelajak poydevori” reklama roligi orqali psixologik iqlim yaratish, o`quvchilarning darsga tayyorgarligini tekshirish.

Dars rejasi:

• O`quvchilarni kichik guruhlarga bo`lish va nomlash;
• O`tilgan mavzuni mustahkamlash;
• Yangi mavzuni bayoni, tarixiy ma`lumotlar;
• Yangi mavzuni mustahkamlash;

Payg’ambarimiz Muhammad (s.a.v.)ning
muborak hadislaridan biri :
“ Ilm –sahroda do’st,
hayot chorrahalarida – tayanch,
yolg’iz damlarda – yo’ldosh,
bahtiyor daqiqalarda – rahbar,
qayg’uli damlarda madadkor,
odamlar orasida – zebu ziynat,
dushmanga qarshi kurashda – quroldir.
Bu so’zlar bilan o’qituvchi o’quvchilarni
ilmu marifatga da`vat etadi.
II. K i r i s h:
Matematika (riyoziyot) g`oyat bir yuksak
fanki, unda bir olam mo`jiza yotadi.
(Mirzo Ulug`bek)
Musiqa qalb tushunchasi bo`lsa,
matematika miya musiqasidir
(N. G. Chernishevskiy)
Mamlakatimizda ta`lim islohotlari jadal rivojlanib borayotgan bir davrda, bugungi darsimizni “Dars muqaddas” tavsiyasi asosida “O`rgan-o`rgat” usulida olib boramiz.
Shu o`rinda xalqimizning bir pirma`no naqli yodimizga tushadi.
“Shunday insonlar borki, biladi, bilishini ham biladi, undan o`rganmoq kerak. Yana shundaylar borki, bilmaydi, bilmasligini ham biladi, u qobil insondir, unga o`rgatmoq kerak. Uchinchi toifadagilar esa bilmaydi, bilmasligini ham bilmaydi, u uyqudadir, uni uyg`otmoq kerak”.
Bu naqliga amal qilib, darsimizni kichik guruhlarga bo`lib, guruhlarni “Al-Xorazmiy” va “Beruniy” guruhlari deb nomlaymiz.
O`tilgan mavzuni mustahkamlash uchun xotira mashqidan foydalanib, guruhlarga savollar beriladi va natijalar rag’bat va jarima kartochkalari bilan baholanadi.