Ezilgan tomchi preparatini tayyorlash. 1- pipetka, 2-suv, 3-buyum oynasi, 4-pensit, 5-mikroorganizm, 6-qoplag‘ich oyna, 7-tayyor mikropreparat.
Osilgan tomchi preparatini tayyorlash. Osilgan tomchi tayyorlash uchun o‘rtasida dumaloq chuqurchasi bo‘lgan maxsus buyum oynalaridan foydalaniladi. Chuqurchaning tashqi chetlariga vazelin yoki suyuq parafin surtiladi, so‘ngra toza qoplag‘ich oynaning o‘rtasiga mikrobiologik sirtmoq bilan yuqorida yozilgan usulda bakteriyalar aralashgan kichik suv tomchisi tomiziladi. Shundan keyin qoplag‘ich oyna tomchili tomoni bilan shunday ag‘darib qo‘yiladiki, undagi tomchi buyum oynasidagi chuqurchaning o‘rtasi ustidan osilib turadi, qoplag‘ich oynaning chetlari chuqurcha chetlariga surtilgan vazelinga yopishadi (6-rasm). Vazelin surtilganligi uchun chuqurchaga havo kirmaydi va tomchi qurib qolmaydi. Ezilgan va osilgan tomchi preparatlari bakteriyalarning harakatini tekshirishga imkon beradi. Preparatni quruq sistemali ob`ektivda va immersion moyda ko‘rish mumkin. Kuzatishni hafta davomida yoki undan ko‘p vaqtda olib borish mumkin.
Do'stlaringiz bilan baham: |
