Surtma (mazok) tayyorlash. Buyum oynasiga tomizilgan tomchi suvga o‘rganilayotgan kulturaning biomassasidan ozgina solinadi va bakterial ilmoq bilan aralashtiriladi. Biomassaning ortiqcha qismi kuydirib tashlanadi. Hosil bo‘lgan kuchsiz loyqa buyum oynasi ustiga diametri 2 sm doira shaklida tarqatiladi, havoda quritiladi va surtma tayyorlanadi (7-rasm). To‘g‘ri tayyorlangan surtmada bakteriyalar ayrim-ayrim bo‘lib, yupqa qatlam hosil qiladilar.
Fiksatsiyalangan preparat tayyorlash. Issiqlik yordamida (flambirlash) yoki kimyoviy usulda olib boriladi. Birinchi usulda preparat 5-6 marta surtmasini yuqoriga qaratgan holda gorelka alangasidan o‘tkaziladi. Bu jarayon 5-6 sekundda bajariladi. Fiksatsiya qilinganda hujayralar o‘ladi va oynaga yaxshi yopishadi, tirik hujayraga qaraganda bo‘yalishi yengillashadi.
Do'stlaringiz bilan baham: |
