Mavzu: Blum taksonomiyasi va uning o‘qitishdagi ahamiyati Reja

---

Mavzu: Blum taksonomiyasi va uning o‘qitishdagi ahamiyati 
Reja: 
1.Blum taksonomiyasi va uning bosqichlari. Mazmuni va mohiyati.
2.Blum taksonomiyasining o‘qilishdagi ahamiyati.
3Blum taksonomiyasi asosida fanning o‘qitish bosqichlarini belgilash. 
Topshiriqlar tizimini yaratish. 
O‘quv maqsadlarini aniqlashtirishning ahamiyati 
O‘quv maqsadlarini, ularni alohida qismlarga ajratib aniqlashtirish jahon 
pedagogikasida keng ommalashgan. Bunday yondashuvga asosan o‘quv 
maqsadlariga erishilganlikni yaqqol aniqlash mumkin. Bunda o‘quv maqsadlari 
tizimi yaratilib, o‘zaro bog‘liqlik ketma-ketligida joylashtiriladi, ya’ni ularning 
taksonomiyasi tuziladi. O‘quv maqsadlarining bu tizimi xalqaro miqyosda mashhur 
bo‘lib, Blum taksonomiyasi deb nomlanadi. “Taksonomiya” tushunchasi grekcha - 
tartib bilan joylashtirish bo‘lib, biologiya fanidan olingan. U obektlarni, ularning 
o‘zaro bog‘liqligiga asoslanib va toifalari murakkablashib boradigan ketma-ketlikda 
joylashtirib turkumlash va tizimlashtirishdir. Blum taksonomiyasini qo‘llash, 
o‘qitish maqsadlarini umumlashgan holda bayon qilish imkoniyatini beradi. Undan 
foydalanilganda pedagog maqsadlarni ajratadi va aniqlashtiradi hamda tartibga 
soladi. Bu taksonomiya yordamida pedagog nafaqat o‘quv maqsadlarini 
aniqlashtirishga, balki ularni o‘zaro bog‘liq bo‘lgan qat’iy kema-ketlikda 
joylashtirishga muvaffaq bo‘ladi. 
O‘quv maqsadlari sohalari 
Kognitiv - bilishga oid soha. O‘rganilgan materialni eslab qolish va uni 
takroran aytib berish, o‘zlashtirilgan bilimlarni mustaqil to‘la anglash, ularni oldin 
o‘rganilgan uslub, usullar bilan uyg‘unlashtirilib tasavvur etishgacha bo‘lgan 
muammolarni hal etilishini o‘z ichiga oladi. 
Affektiv-hissiyotga oid soha. Oddiy idrok qilish, qiziqish, qadriyat yo‘nalish 
va munosabatlarini o‘zlashtirishga tayyor bo‘lish, o‘quvchilarni atrof-muhitga 
nisbatan hissiy-shaxsiy munosabatda bo‘lishini shakllantiruvchi maqsadlar kiradi. 
O‘quvchilarda tayanch kompetensiyalarni shakllantirish uchun ta’lim 
texnologiyalarini tanlashda o‘quv fani o‘qituvchisi taqvim mavzu rejada mazkur sinf 
uchun belgilangan tayanch kompetensiyalarni belgilab oladi. Shundan so‘ng, 
o‘rganilishi zarur bo‘lgan mavzu va shakllantiriladigan kompetensiyalarni hisobga 
olgan holda darsni o‘tish metodi, usuli tanlanadi. 

---

Interfaol yondashuv. O‘qituvchilar dars jarayonini yaxshi tashkil etish uchun 
qulay muhit yaratadi. O‘quvchilarning o‘zaro fikr (axborot) almashishlariga imkon 
beriladi. Yechimini kutayotgan masalalarni hamjihatlikda muhokama etadilar, 
yechadilar. Vaziyatdan chiqishda hamkorlikda yechim to‘adilar. Olgan axborotlari 
asosida bilimlarini bir- birlariga namoyish etadilar. 
Loyihalash metodi. Loyihalash metodi-o‘quvchilar uzluksiz ravishda 
murakkablashib boradigan amaliy to‘shiriqni rejalash, konstruksiyalash va bajarish 
jarayonida bilim, ko‘nikma va malakaga ega bo‘ladigan o‘qitish tizimidir. Ta’lim 
oluvchilar keng miqyosdagi muammoli (ijodiy, axborot, kommunikatsiya va h.k.) 
masalalar bilan bog‘liq loyihalarni bajaradilar. Mazkur metodning yuqori samara 
berishi uchun loyihani bajarishda o‘quvchilarda motivatsiyaning yuqori darajada 
bo‘lishi, shart hisoblanadi.