Bilim, ko‘nikma va malakani rivojlantirishga yo‘naltiruvchi savollar:
1. Po‘lat Mo‘min she’rlarining mundarijasi haqida to‘xtaling.
2. “Oftob ham yaxshi, odob ham yaxshi” she’ri xususiyatlari haqida fikr yuriting.
3. Po‘lat Mo‘min she’riy-adabiy ertaklari mavzusini oydinlashtiring.
4. Q.Hikmat she’rlari badiiyati haqida nima deya olasiz?
5. Q.Hikmatning “Bahor”, “Qish to‘zg‘itar momiq par”, “Ayamajiz” she’rlaridagi badiiy-tasvir vositalar haqida ma’lumot bering?
6. N.Fozilov hikoyalari mundarijasini aniqlang.
7. N.Fozilov asarlarida o‘smirlar psixoligiyasi qanday o‘ringa ega?
8. N.Fozilovning “Saraton” qissasi haqida qanday mulohazaga ega bo`ldingiz?
9. “Topdim-u yo‘qotmadim” qanday asar?
Mavzuga oid test savollari:
1. Po‘lat Mo‘minning ertak-pyesalari va ertak-dostonlari qaysi javobda keltirilgan?
a) “Qovoqvoy bilan Chanoqvoy”, “Suqatoy-konfetvoy”, “Ona bolam deydi, bola onam”;
b) “Alla bilan Jalla”, “Ziyrak fil va ziqna boqqol”, “Har kimniki o‘ziga, oy ko‘rinar ko‘ziga”, “Unutgan o‘g‘il”;
c) “Oltin nay”, “Dono bola”, “Bilganni qari – bilmaydi pari”, “Tish cho‘tka, Poroshok va Atirsovun ertagi”;
d) A , B va C javoblar.
2. Po‘lat Mo‘minning she’riy to‘plamlari qaysi javobda keltirilgan?
a) “Hunardan unar”, “To‘g‘ri o‘sgan gul bo‘lar”, “Bir yarim Karim” “Bir yuz bir oltin qo‘l”, “Rahmatga rahmat”, “Oftob va odob”, “Bu juda soz”,;
b) “Gazpolvon ertak aytar”, “Do‘sting qancha ko‘p bo‘lsa” “Eson va Omon” “Oltmish olti oltin qo‘l”;
c)A va B javoblar;
d) “Ayyor chumchuq”, “O‘zboshimcha chumchuq haqida ertak”.
3.Po‘lat Mo‘minning “Suqatoy-konfetvoy” ertak-pyesasining g‘oyaviy mundarijasi va obrazlari qaysi javobda to‘g‘ri?
a) ilm, odob, halollik va mehnatsevarlik ulug‘lanadi;
b) voqea Bilim xola, Janjal xola, Qurt o‘rtasidagi kurash asosida rivojlanadi;
c) Qovoqvoy va Chanoqvoy o‘rtasidagi kurashdan tashkil topgan;
d) A va B javoblar to‘g‘ri.
4. Tarvuz, Qovun, Chanoqvoy, Paxtaoy, G‘ujumoy, Lavlagi, Sholg‘om qishloq xo‘jalik ekinlari va zararkunanda hasharotlar chigirtka, kapalak hamda yalqov, tanbal, beg‘am Qovoqvoylarning allegorik obrazi Po‘lat Mo‘minning qaysi asarida tasvirlangan?
a) “Alla bilan Jalla”;
b) “Ona bolam deydi, bola onam deydi”;
c) “Suqatoy va Konfetvoy”;
d) “Qovoqvoy bilan chanoqvoy”.
Do'stlaringiz bilan baham: |
