Mavzu: Fosforitli ammiakli selitra ishlab chiqarish texnologiyasi. Mundarija

6.Jarayonning fizik-kimyoviy asoslari.
Ammiakli selitraga modifikatsiyalovchi qo‘shimchalar sifatida qo‘llanilgan dastlabki materiallarning kimyoviy, dispers va mineralogik tarkibi, fizik-mexanik xossalari, dastlabki xom ashyo va mahsulotlarni kimyoviy va fizik-kimyoviy tahlil o‘tkazish uslublari keltirilgan. Modifikatsiyalangan selitra namunalarini olish uchun asosiy komponent sifatida «toza» markali NH₄NO₃ va sanoat mahsuloti – 34,6% N va 0,28% MgO tutgan B markali AS xizmat qildi.
Kristal ko‘rinishdagi monokalsiyfosfat va kukunsimon di- va trikalsiyfosfat kimyoviy tarkibi 6-jadvalda keltirilgan.
6-Jadval.

Kalsiy fosfatlarning kimyoviy tarkibi	P2O5umum., %	P2O5o‘zl. lim. k-tasi, %	P2O5o‘zl. tr. B. %	P2O5suv.eruv %	CaO umum.%	CaO o‘zl., %
Ca(H2PO4)2·H2O	55,75	55,48	54,76	54,39	22,16	21,82
CaHPO4	51,03	49,43	47,54	Qoldiq	40,04	37,51
Ca3(PO4)2	45,3	36,75	28,95	Qoldiq	53,46	39,45

Monokalsiyfosfat qishloq xo‘jaligida oddiy va qo‘sh superfosfat, dikalsiyfosfat – pretsipitat, trikalsiyfosfat – suyak uni yoki faollashtirilgan fosforit uni ko‘rinishida qo‘llaniladi.

“Farg‘onaazot” AJ mahsuloti – donadorlangan AFO‘ (og‘ir.%): P₂O₅umum. – 45,51; P₂O₅o‘zl. – 44,25; P₂O₅suv.eruv. – 41,82; SO3 – 6,02; CaO – 0,58; MgO – 1,29; Fe₂O₃ – 1,15; Al₂O₃ – 1,44; N – 11,2. Ularni AS suyuqlanmasiga qo‘shishdan oldin zarrachalari 0,25 mm o‘lchamgacha maydalandi.
Selitraga modifikator-qo‘shimchalar sifatida zarrachalari 0,25 mm o‘lchamgacha maydalangan Qoraqalpoq jelvakli fosforit uni ham tanlandi, ularning tarkibi 7-jadvalda keltirilgan.