|
Darsning borishi:
Tashkiliy qism. Motivatsiya bosqichi.
Dars o‘qituvchining o‘quvchilar bilan salomlashishi bilan boshlanadi :
Salom aziz bolalar,
Misoli gul, lolalar.
Tayyormisiz siz darsga,
Yangi bilim olishga.
O‘quvchilar:
Ustoz shaymiz barchamiz,
O‘qib o’rganmoq uchun.
Har bir aytgan so’zingiz,
Quloqqa ilmoq uchun.
O‘qituvchi:
Tayyormi kitob, daftar?
Ko’taring quyosh misol.
Faol qatnashib darsda,
Kundalikka baho ol!
O‘quvchilar: (kitob, daftarlarni ko’taradilar)
Kitob, daftar shay darsga,
Ko’mak berishar bizga,
Kundaliklar mushtoqdir
Rag‘bat va katta beshga.
Aziz o‘quvchilar! Mana o‘lkamizga kuz fasli ham kirib keldi. Bu fasl barchaga birdek yoqishi tabiiy , albatta. Boisi, ona tabiat misoli oltin kabi atrofga jilo beradi va ko’ngillarga birdek yoqimli kayfiyat beradi. Ammo, kuz faslida bizning oramizdagi ayrim do’stlarimiz daraxt barglarini yoqib, mevalarni olish uchun daraxt shoxlarini sindirib atrofga ziyon yetakazadi. Bu nafaqat atrofga, balki inson sog’ligi uchun juda zararlidir.
O‘qituvchi o‘quvchilarga qiyidagi she’rni o’qiydi:
Ikki do‘st
Uzoq tog‘li qishloqda
Yasharkan ikki o‘rtoq,
Biri botir, paxlavon
Ikkinchisi sal qo‘rqoq.
“Botirman deb” do’stimiz
Daraxtni tepar emish,
O’t yoqib xazonlarga
Hordiq chiqarar emish.
Shunday kunlar birida
Soyning chap qirg’og’ida
O’tirardi bir kampir
Shamol yelardi g’ir-g’ir
Bola yoqqan o’sha o’t
Shamolda avj olardi
Tutunlari qishloqni
Soy bo’yini qopladi.
Kampir ena holi voy
Boshiga og’riq keldi
“Bu o’tni kim yoqdi” deb
Birdan baqirib ketdi
Aybdor o’z ishidan
Boshi yerga xam bo’ldi
Uning bu nodonligi
Barchaga ibrat bo’ldi.
O‘qituvchi she’rni o‘qib bergach, o‘quvchilardan she’rni qisqa hikoya tarzida qayta so’zlashlari topshiriladi.
O’quvchilar tomonidan aytilgan fikrlar umumlashtirilib, xulosalanadi:
Ko’rdingizmi bolalar, atrofga zarar yetkazish inson salomatligiga ham o’zining salbiy ta’sirini o’tkazadi. Demak, biz doimo sog’lom turmush tarziga rioya qilishimiz va doimo o’zimiz va yaqinlarimiz salomatligi uchun qayg’urishimiz lozim bo’lar ekan. Shundagina biz sog’lom-turmush tarsi qoidalariga rioya qilgan bo’lamiz.
Do'stlaringiz bilan baham: |
