Мавзу: Германия банк тизими Маъруза режаси

3. Германияда тижорат банклари тизими
Ҳозирги даврда Германия банк тизимида 1900га яқин тижорат банклари мавжуд. Аммо уларнинг 5 таси йирик трансмиллий банклар ҳисобланади: Дойче банк, Дрезднер банк, Коммерцбанк, Верейнс банк, Постбанк.
Германиянинг активларининг миқдорига кўра энг йирик банки бўлиб, Дойчебанк ҳисобланади. Дойчебанк универсал тижорат банки ҳисобланади.
Қуйидаги жадвал маълумотлари орқали Дойче банкнинг активларининг таркибини кўриб чиқамиз.
1-жадвал
Дойчебанк активларининг таркиби, 2016 йилнинг 31 декабрь ҳолатига

Активлар	Жамига нисбатан фоизда
Кассадаги нақд пуллар ва Бундесбанкдаги “Ностро” вакиллик ҳисобрақамидаги пуллар	11,4
Бошқа тижорат банкларидаги “Ностро” вакиллик ҳисобрақамидаги пул маблағлари	0,7
Ҳукуматнинг ва Марказий банкнинг қимматли қоғозларига қилинган инвестициялар	5,8
Корпоратив қимматли қоғозларга қилинган инвестициялар	46,7
Кредитлар	25,7
Асосий воситалар	0,4
Номоддий активлар	0,6
Бошқа активлар	8,7
Жами	100,0

1-жадвалда келтирилган маълумотлардан кўринадики, Дойчебанк активларининг умумий ҳажмида корпоратив қимматли қоғозлараг қилинган инвестициялар салмоғига кўра биринчи ўринни эгаллайди. Бунинг сабаби шундаки, биринчидан, Германияда қимматли қоғозлар бозори юксак даражада ривожланган; иккинчидан, Дойчебанк трансмиллий банк бўлганлиги учун халқаро фонд биржаларининг барчасида иштирок этади.

Дойчебанк активларининг умумий ҳажмида кредитлар иккинчи ўринни эгалалйди.
Дойчебакн активларинниг умумий ҳажмида асосий воситалар жуда кичик салмоқни эгалалйди. Чунки, асосий воситалар даромад келтирмайдигна активлар ҳисобланади.
2016 йилнинг 31 декабрь ҳолатига, Дойчебанк активларининг миқдори 1 590 546 млн. еврони ташкил этди.