Mavzu: Hadislardan namunalar

TILINI TIYIB YURSIN.
Payg’ambar debdilar:
-Kimki yaxshi inson bo’lishini o’ylasa, qo’shnisiga aslo ozor bermasin, mehmonni hurmatlasin, hayotida faqat yaxshi so’zlardan gapirsin.Bordi-yu yaxshi so’zlarga tili aylanmasa, u holda jimgina tilini tiyib yursin.
Ikki kishi bir kishidan yaxshi, uch kishi ikki kishidan yaxshi, to’rt kishi uch kishidan yaxshi, ko’pchilik bilan birga bo’linglar. Tangri ummatlarimni faqat to’g’ri yo’lda borishlikka birlashtiradi.
. Do’stingni yengilroq sevginki, kuni kelib dushman bo’lib qolishi ham mumkin. Dushmaningga ham yengilroq adovat qilginki, kuni kelib do’st bo’lib qolishi ham mumkin. 29. Dehqonchilik qilinglar, chunki dehqonchilik barakali ishdir. Dehqonchilikni qo’riqlovchi soqchilarni ko’paytiringlar!
. Liboslaringizni chiroyli qilinglar, ot-ulovlaringizni yaroqli tutinglar! Yuzdagi xoldek odamlarga namuna bo’linglar!
Ikki jag’ingiz va ikki oyog’ingiz o’rtasidagi a’zolaringizni tiying!
Nafaqa10 va sadaqa berishda avval o’zingdan boshla. Agar biror narsa ortsa, ahli ayolingga11 ber. Yana biror narsa ortib qolsa, qarindoshlaringga ber. Ulardan ham ortsa boshqalarga ber.
To’rt toifa odamlarni Tangri yomon ko’radi: qasamxo’r savdogarni, takabbur kambag’alni, zinokor keksani va zolim podshohni.
Tishlaringizni misvok bilan tozalab yuringlar va tozalikka odat qilinglar. Takror-takror qilinadigan maxsus ishlarni toq bajaringlar, zero Tangrining o’zi toq, toq ishlarni yaxshi ko’radi.
O’lim kelmasidan burun tayyorgarligingizni ko’rib qo’ying.
Odamlarga yaxshilik qilish va qarindoshlar bilan yaqin aloqada bo’lib hol-ahvol so’rashib turish – bu savobi tez tegadigan xayrli ishlardandir. Zulm va qarindoshlardan uzilib ketishlik esa jazosi tez bilinadigan yomon ishlardandir.
Hamma ishlaringizda to’g’ri bo’ling, odamlarga muomalada xulqingiz chiroyli bo’lsin! Odamlarga keng qalbli bo’linglar, shunda odamlar ham sizlarga shunday bo’lurlar.
Garchi sizlarga qora mayiz kabi qop-qora boshli habash qul boshliq qilib saylangan bo’lsa ham, unga quloq solinglar va itoat qilinglar.
. Bu dunyoda odamlarga qattiq azob beradigan kishilarni Tangri qiyomat kuni qattiq azoblaydi.
Odamlarga taom yediringlar va shirin so’z bo’linglar.
Ogoh bo’lingki, g’azab bamisoli inson ichidagi yonib turgan cho’g’dir. Bilasizlarki, g’azabi kelgan kishining ko’zlari qizarib, tomirlari shishib ketadi. Agar birortalaringiz shunday holatga tushib qolsalaringiz yerga o’tirib olinglar! Ogoh bo’lingki, odamlarning yaxshisi – g’azabi sekin kelib, asliga tez qaytadiganidir. Ularning yomoni esa g’azabi tez kelib, asliga sekin qaytadiganidir. G’azabi sekin kelib, sekin ketsa yoki tez kelib tez ketsa, bu ham durust. Ogoh bo’lingki, savdogarlarning yaxshisi savdo-sotiq ishlarida xushmuomala bo’ladi, yomoni esa qo’pol muomalali bo’ladi. Ana shunday xislatlardan loaqal bittasiga ega bo’lsa ham durust.
. Ogoh bo’lingki, har bir xiyonatchi qiyomat kuni xiyonati miqdorida tanilish uchun bayroq ko’tarib yuradi. Ogoh bo’lingki, xiyonatning kattasi amirlarning xalq ommasiga qilgan xiyonatidir. Ogoh bo’lingki, haq gapni bilgan kishining u gapni gapirishiga odamlarning haybati to’sqinlik qilmasin! Ogoh bo’lingki, jihodlarning afzali zolim podshoh oldida aytilgan haq so’zdir. Ogoh bo’lingki, umringizning qolgan qismi, bamisoli yashab turgan kuningizning qolgan qismi kabidir.