Mavzu: Ichak infeksiyalari parenteral yo`l bilan yuqadigan kasalliklar

Gepatitlarni davolashning umumiy usullari. Surunkali gepatitlar davosida kasallik etiologiyasi, patologik simptomlar majmuasi va jarayon faolligi ahamiyatga olinadi. Jarayonni kompensatsiya qilish uchun optimal tartib tayinlanadi. Kasallik infaolasiya davrida charchab qolishidan ehtiyot bo'lish lozim. Jarayon faolligi kuchayganda yotoq tartib (iloji boricha statsionarda) tayinlanadi. Bu tartib jigarni maksimal qon bilan ta’minlash va regeneratsiyasiga yordam beradi. Ahvoli va laborator natijalar yaxshilanishi bilan chegaralangan aylanishlar va davolovchi badantarbiyaga ruxsat etiladi.
Ovqatlanish tez-tez va kam miqdorda bo'ladi (5—6 marta). Yog'li, qovurilgan, achchiq, sho'r mahsulotlar berilmaydi. Oqsil o'rnini bosish uchun tvorog, baliq, qush go'shti, yog'siz go'sht beriladi. Parhez kaliy tuzlari bilan boyitiladi, (turshak, qovoq va b.). Bemorga mevalar, sabzavotlar, sharbatlar, V guruh vitaminlari, askorbin kislota tayinlanadi. Alkogol qat’iyan man etiladi. Gepatotoksik preparatlar hamda jigarda zararsizlantirish jarayonini sekinlashtiruvchi preparatlar (trankvilizatorlar, sedativ moddalar, analgetiklar) berilmaydi. Gepatit virusli etiologiyasi tasdiqlansa virusga qarshi preparatlar tayinlanadi.