Jarayonlar o’rtasida aloqa mexanizmini amalga oshirishda quyidagi savollarga yechim topish kerak bo’ladi: - Aloqa qanday o’rnatiladi?
- Ikkitadan ko’p jarayonlar bilan aloqa o’rnatish mumkinmi?
- Berilgan ikkita jarayon o’rtasida nechta aloqa o’rnatish mumkin?
- Aloqa chizig’ining o’tkazish qobiliyati qanday?
- Xabar uzunligi aloqa chizig’i bo’yicha o’zagrmas yoki o’zgaruvchi hisoblanadimi?
- Aloqa yo’naltirilmagan yoki ikkiyo’nalishli (dupleks) hisoblanadimi?
- Jarayonlarning bevosita aloqasi (direct communication) oshkor ravishda bir-birini nomlab oladi – nomlari yoki adresi (ko’rsatkichlari) bo’yicha. Adres (ko’rsatkich)lar chaqiriladigan aloqa buyruqlari bo’lishi mumkin, masalan:
- send (P, message ) – P jarayonga xabarni yuborish;
- receive (Q, message ) – Q jarayondan xabarni olish.
- Ushbu kommunikatsiya usulida aloqa chizig’i xossalari nazorat ro’yxati bo’yicha quyidagicha bo’ladi:
- aloqa avtomatik o’rnatiladi (uni operatsion tizim yoki alohida kommunikatsiya vositasi amalga oshiradi).
- Aloqa faqat o’zaro bog’liq jarayonlarning bitta juftligini birlashtiradi.
- Jarayonlarning har bir juftligida hamma vaqt faqat bitta aloqa bo’ladi.
- Aloqa yo’naltirilmagan bo’lishi mumkin, lekin, qoida bo’yicha u ikki yo’nalishli bo’ladi (jarayon boshqasidan oshkor ravishda xabar qabul qilishi va unga xabar uzatishi mumkin).
- Bilvosita kommunikatsiyada (indirect communication) xabarlar pochta qutisi (mailboxes) yoki portlar (ports) – xabarlarni uzatish, saqlash va qabul qilish uchun mo’ljallangan tizimli tuzilmalar orqali uzatiladi va qabul qilinadi. Aniqlik uchun pochta qutisi atamasidan foydalanamiz.
- Har bir pochta qutisi yagona identifikatorga ega bo’ladi.
- Jarayonlar faqat ular umumiy pochta qutisiga ega bo’lsagina o’zaro aloqa o’rnatadi.
Do'stlaringiz bilan baham: |
