Davo fizkulturasi bemorni to’g’ri nafas olishga o’rgatish va nafasni chuqurlashtirish orqali
nafas funksiyasini yaxshilash hamda nafas muskullarini mustahkamlashga yordam beruvchi
vosita hisoblanadi.
Plevritlar. Quruq ekssudativ va yiringli plevritlarda davo fizkulturasidan foydalanish
tavsiya etiladi. Undan foydalanganda quyidagi maqsadlar nazarda tutiladi: yallig’lanish
jarayonini yo’qotish, plevritda sizib chiqqan suyuqlikning shimilib yo’qolishiga, chandiqlar
paydo bo’lishining oldini olishga va funksiya buzilishlarining qayta tiklanishiga yordam
berish.Quruq plevritda davo fizkulturasini bemorning isitmasi tushgandan va og’riqlari
kamaygandan keyin tayinlanadi. Umum chiniqtiruvchi va nafas mashqlari o’tirish va tik
turishning dastlabki holatida qo’llaniladi. Mashqning avvalida harakatlar amplitudasi
chegaralangan hajmda bo’lib, yengil harakatlar qo’llaniladi, mashqlar sekin suratda 3-4marta
takrorlanadi. Borgan sari harakatlar amplitudasi kengaytiriladi, mashqlar 4-6 marta
takrorlanadi va ularni o’rtacha suratda bajariladi. Quyidagi mashqlar qo’llaniladi: ikkala
qo’lni yoki bir qo’lni yonga, tepaga, orqaga harakatlantirish bilan birga gavdani yozish,
yonlarga burish, chetga egilish va hokazo.Ekssudativ plevritlarda oddiy gimnastika
mashqlarini avval yotgan holatda, keyin o’tirgan va tik turgan dastlabki hollarda bajariladi.
Bemorning umumiy ahvoli yaxshilanishi, gavda temperaturasi normal darajagacha tushishi,
eritrotsitlar cho’kish tezligi (ECHT) kamaya borgan sari aktiv nafas mashqlari qo’shila
boradi, bularni hosil bo’lgan chandiqlarni cho’zish, umumiy moddalar almashinuvini
yaxshilash, organizmning umumiy tonusini ko’tarish maqsadida beriladi.
Mashg’ulotlar 15-20 minut davom etadi. Davolash oxirida uni mustahkamlovchi va nafas
mashqlaridan,
volleybol, chang’ida yurish, eshkak eshish qo’shiladi.
Do'stlaringiz bilan baham: 
