Mavzu: Kameral soliq nazoratining mazmun mohiyati. Mundarija
O‘ZBEKISTON RESPUBLIKASI DAVLAT SOLIQ QO‘MITASI TOShKENT ShAHAR DAVLAT SOLIQ BOShQARMASI
Download 53.28 Kb.
|
Mavzu Kameral soliq nazoratining mazmun mohiyati Mundarija
- Bu sahifa navigatsiya:
- SOLIQ HISOBOTIGA TUZATIShLAR KIRITISh HAQIDA T A L A B N O M A
- Ogohlantirish.
Topshiriqnomada kameral soliq tekshiruvi jarayonida talab qilib olinadigan hujjatlar ko‘rsatiladi hamda kameral soliq tekshiruvini o‘tkazish to‘g‘risidagi buyruq nusxasi ilova qilinadi. Topshiriqnoma olingan kundan e’tiboran uch kun ichida hujjatlar qaysi shaxsdan talab qilinayotgan bo‘lsa, o‘sha shaxsning hisobda turgan joyidagi soliq organi tomonidan uchinchi shaxsga hujjatlarni taqdim etish to‘g‘risida talabnoma yuboriladi.7 Hujjatlarni taqdim etish to‘g‘risida talabnomaga hujjatlarni talab qilib olish to‘g‘risidagi topshiriqnomaning ko‘chirma nusxasi ilova qilinadi. Soliq kodeksining 147-moddasiga muvofiq hujjatlarni taqdim etish to‘g‘risida talabnomani olgan shaxs ushbu talabnoma olingan kundan e’tiboran besh kun ichida uni bajaradi yoki talab qilib olinayotgan hujjatlarga ega emasligi haqida xabar qiladi. Agar talab etiladigan hujjatlarni mazkur muddatda taqdim etish imkoni bo‘lmasa, hujjatlarni taqdim etish to‘g‘risida talabnomani yuborgan soliq organi hujjatlar qaysi shaxsdan talab qilib olingan bo‘lsa o‘sha shaxsning iltimosnomasiga ko‘ra ushbu hujjatlarni taqdim etish muddatini uzaytirishga haqli. Bunday hollarda hujjatlarni taqdim etish muddati uzaytirilganligi haqida topshiriqnoma yuborgan soliq organiga xabar yetkaziladi. Hujjatlar soliq to‘lovchi tomonidan tasdiqlangan ko‘chirma nusxa shaklida taqdim etiladi. Talab etilgan hujjatlar soliq to‘lovchi tomonidan shaxsan yoki vakil orqali taqdim etilishi, pochta orqali buyurtma xat bilan yuborilishi yoki telekommunikatsiya aloqa tarmoqlari yoxud soliq to‘lovchining shaxsiy kabineti orqali elektron shaklda taqdim etilishi mumkin. Tekshiruvni o‘tkazuvchi mansabdor shaxsining talabiga ko‘ra, soliq to‘lovchi elektron shaklda tuzilgan hujjatlarning qog‘ozdagi ko‘chirma nusxalarini taqdim etishi shart, bundan elektron hisobvaraq-fakturalarning axborot tizimida ro‘yxatga olingan elektron hisobvaraq-fakturalar mustasno. Soliq to‘lovchidan avvalgi kameral yoki sayyor soliq tekshiruvlari o‘tkazilganda soliq organlariga ilgari taqdim etilgan hujjatlarni, shuningdek soliq monitoringini o‘tkazish jarayonida tasdiqlangan ko‘chirma nusxalar shaklida taqdim etilgan hujjatlarni qayta taqdim etish talab etilmaydi. Agar hujjatlar ilgari soliq organiga asl nusxalar tarzida taqdim etilib, keyinchalik tekshirilayotgan soliq to‘lovchiga qaytarilgan bo‘lsa, shuningdek soliq organiga taqdim etilib, bartaraf etib bo‘lmaydigan kuch holatlari oqibatida yo‘qotilgan taqdirda, hujjatlar tekshirilayotgan soliq to‘lovchisidan qayta talab qilib olinishi mumkin. Soliq organlaridan tegishli hujjatlarni taqdim etish to‘g‘risida talabnomani olgan soliq to‘lovchi talabga rioya etilmasdan yuborilgan talabnoma bo‘yicha hujjatlarni taqdim qilishni rad etishga haqli. Hujjatlarni talab qilib olish to‘g‘risidagi topshiriqnomani olgan soliq organi tomonidan to‘plangan hujjatlar ikki kun ichida ushbu hujjatlarni topshiriq bergan soliq organiga yetkaziladi. Tekshiruvni o‘tkazuvchi mansabdor shaxs tekshiruvni amalga oshirish chog‘ida soliq to‘lovchilarni tekshiruv yuzasidan tushuntirishlar berish uchun, shu jumladan ular tomonidan soliqlarning to‘lanishi ushlab qolinishi va o‘tkazilishi munosabati bilan soliq organiga yozma xabarnoma asosida chaqirishga haqli. Soliq organi kameral soliq tekshiruvini amalga oshirishga doir tadbirlarda ishtirok etish uchun: ahamiyatga ega biror-bir holatlar o‘ziga ma’lum bo‘lgan har qanday voyaga yetgan jismoniy shaxsni ko‘rsatmalar berish uchun guvoh sifatida chaqirishi; shartnoma asosida ekspert, mutaxassis va tarjimonni jalb etishi mumkin. Kameral soliq tekshiruvini o‘tkazish jarayonida soliq organlari Soliq kodeksining 14-moddasiga asosan soliq to‘lovchi tomonidan tuzilgan bitimlar, ularning yuridik rasmiylashtirilishidan qat’i nazar haqiqiy iqtisodiy mazmunidan kelib chiqib tekshiruvni amalga oshiradi. Bunda, bitim yoki iqtisodiy munosabatlarning yuridik rasmiylashtirilishi uning haqiqiy mazmuniga muvofiq bo‘lmasa, soliq organlari soliq solish maqsadida bitimning yuridik tavsiflanishini, soliq to‘lovchining maqomi va uning iqtisodiy faoliyati xususiyatini o‘zgartirishga, huquqni suiiste’mol qilish alomatlariga ega bo‘lgan ayrim operatsiyalarni yoki operatsiyalar ketma-ketligini e’tiborga olmaslikka va soliqlar summalarini bunday suiste’mollikning ta’sirini istisno etadigan tarzda o‘zgartirishga haqli. Huquqni suiste’mol qilish, bitim qalbakiligi ko‘zbo‘yamachilik uchun tuzilganligining holatlarini aniqlash, shuningdek ularning oqibatlarini qo‘llash soliq organlari tomonidan, soliq to‘lovchi norozi bo‘lgan taqdirda esa — soliq organlarining da’vosi bo‘yicha sud tomonidan amalga oshiriladi.
Download 53.28 Kb. Do'stlaringiz bilan baham: 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||