Ilgarilanma harakat
 Stol ustidagi kitobni bir joydan boshqa joyga turlicha ko‘chirish mumkin (12-rasm). Birinchi holda uning qirralari turlicha harakat qiladi.
Kitobning ikkinehi holdagi harakatida uning qirralari trayektoriyasi bir xil bo‘ladi, ya’ni kitobning to‘rttala qirrasi trayektoriya- sini ustma-ust qo‘yish mumkin. Kitobning ikkinehi holdagi harakati ilgarilanma hara- katga misol bo‘la oladi. Bunda kitobning qirralarigina emas, boshqa ixtiyoriy nuqtalari ham bir xil harakat qiladi.
Tekis yo‘lda harakatlanayotgan velosiped ning ramasi, avtomobilning kuzovi ham ilgarilanma harakat qiladi.
Ilgarilanma harakatda jismning ixtiyoriy ikki nuqtasidan xayolan o‘tkazilgan to‘g‘ri chiziq o‘z-o‘ziga parallel ravishda ko‘chadi.
Yerdan kotarib stol ustiga qo^yilgan jomadon, metropoliten eskalatori pog’onalari ilgarilanma harakat qiladi.
Istirohat bog’idagi charxpalak kabinasi aylanma harakat qiladi (13-rasm). Lekin, shu bilan bir vaqtda, charxpalak kabinasi ilgarilanma harakat qiladi. Chunki, kabinaning ixtiyoriy ikki nuqtasidan otkazilgan to‘g‘ri chiziq o‘z-o‘ziga parallel ravishda ko‘chadi. Ilgarilanma harakat qilayotgan jismning harakati o‘rganilayotganda lining faqat bitta nuqtasining harakatini o‘rganish kifoyadir. Shu sababli, ilgarilanma harakat qilayotgan jismni moddiy nuqta deb qarash mumkin.
Do'stlaringiz bilan baham: |
