1. Kompleks birikmalarning ichki sferasi - noelektrolit ya’ni elektr tokini o’tkazmaydi. 2. Kompleks birikmalar eritmalarining elektr o’tkazuvchanligi ularning ionlarga dissotsilanishi bilan belgilanadi O’zbekistonda kompleks birikmalar kimyosi ilmiy izlanish ishlari 1930 yillarda ToshDUning anorganik kimyo kafedrasida boshlandi. Dastlab bu sohada Pozner E.I., Asomov K.A., Fayziev M.K., keyinchalik Shamsiev A.Sh., Raximov X.R., Muftaxov A.G., Nigay K.G., Timoxina N.I. kabi olimlar samarali ishlab, o’zbek kimyogar olimlarining o’ziga xos yo’nalishini yaratishda hissalarini qo’shdilar. 1943 yilda O’zbekistonda Fanlar akademiyasi tashkil etildi, uning qoshidagi Kimyo instituti (hozirgi umumiy va anorganik kimyo instituti)da bu ishlar rivojlandi (akad. N.A. Parpiev maktabi). ToshFarMIda prof. M.A. Azizov rahbarligidagi ilmiy yo’nalish shakllantirildi, bular koordinatsion birikmalar kimyosining kompleks rivojlanishiga munosib hissalarini qo’shdilar. Azizov M.A. kamqonlik kasalligiga qarshi "koamid", "ferramid" preparatlarini yaratdi va hozirgacha ular dori-darmon sifatida ishlatilmoqda. Akad. N.A. Parpiev Olmaliqdagi o’tga chidamli va yuqori haroratda suyuqlanadigan metallar kombinatida volfram, vanadiy, reniy kabi elementlarni sof xolda ajratishning sanoat usulini joriy qildi.
Do'stlaringiz bilan baham: |
