Mavzu: kun tartibini tashkil etish metodikasi reja I. Kirish II. Asosiy qism

Guruhning moddiy muhitini tashkil etish. Ikkinchi yil davomida bolalarda yurish malakalari takomillashadi, ular maxsus va qurolli harakatlarni bajara boshlaydilar ko`proq muloqotga kirishadilar, buyumli tasviriy o`yinlarni boshlaydilar. Shunga muvofiq asosiy binolarni guruh xonasi, yotoqxona, ayvon, qabulxona, hojatxonani jihozlash va bezashga talablar qo`yish ikkinchi yildagi rivojlanishning asosiy yo`nalishlari hisoblanadi. Mebel guruh xonasida shunday qo`yilishi kerakki, xona o`rtasida yurish uchun ko`proq bo`sh joy bo`lsin. Bolalar yurish payitida tez charchab qoladilar, shuning uchun ayrim joylarga divancha, stullar qo`yib qo`yiladi. Devordagi tokchalarda katta-katta obrazli o`yinchoqlar: qo`g`irchoqlar, ayiqchalar, kuchukchalar joylashadi. Bolalar ularni oladilar va yurish chog`ida ko`tarib yuradilar. Bu yurish chog`ida qo`l va oyoqning vazifalarini takomillashtirishga va harakatlarni muvofiqlashtirishga yordam beradi. Harakat faolligi o`stirish uchun derazaga yaqin joyda sirqaladigan qiya tepachalar o`rnatiladi. U ayni payitda tashqarida nima bo`layotganini kuzatish imkonini ham beradi. Bolalarda funktsional va qurolli harakatlarni shakillantirish uchun burchak ajratiladi, unda katta mashinalar, telejkalar, katalkalar qo`yiladi, shuningdek, mayda va yirik qurilish materiallari qo`yiladigan burchak ham ajratiladi. Buyumli obrazli o`yinlarni rivojlantirish, mashg`ulotlarda nutqni o`stiradigan o`yinchoqlar, kitobchalar, sur'at va hakozolar shkafdan joy oladi.
Kun tartibini tashkil etish. Ikkinchi guruhdagi ilk yoshdagi bolalar hayoti tartibining o`ziga xosligi shundaki, unda kichik va katta yosh guruhchalari rejimi birgalikda olib boriladi.
Bolalar asab sistemasining zaifligi tufayli tez qo`zg`aluvchan va chalg`iydigan bo`ladilar, shuning uchun ularni parvarishlashda jadal harakat qilish lozim. Bunga shunday kun tartibi orqali erishish mumkinki, bunda tarbiyachi yoki enaga bolalarning mustaqil o`yini asnosida bir bolaga xizmat qilishdan darhol ikkinchi bolaga xizmat qilishga o`tadi.
Guruhning kun tartibi quyidagi tarzda tuziladi. Bolalarni qabul qilishni tarbiyachi ertalab soat 7 dan 9.30 gacha o`tkazadi. Tarbiyachi qabul payitida bolalarni ko`zdan kechiradi, o`ynayotganlarni kuzatadi. Soat 7.45 da enaga ovqat keltiradi va kelgan bolalarni nonushta qildiradi. O`ynayotgan bolalarni nazorat qiladi. Soat 8 dan 9.40 gacha tarbiyachi bolalarni ovqatlantiradi, soat 9.50 dan 10 gacha esa kichik guruh bolalari bilan mashg`ulot o`tkazadi. Enaga bu vaqtda xonani yig`ishtiradi va idish-tovoqlarni yuvadi. Tarbiyachi soat 10 dan 10.15 gacha katta guruh bilan mashg`ulot o`tkazadi, soat 10.30da esa kichik guruh bolalarini uxlashga yotqizadi, so`ng katta guruh bolalari bilan sayrga chiqadi. Bu vaqtda enaga xonani yig`ishtiradi va uxlayotganlarga qarab turadi.
Kech-tushlikdan so`ng, soat 16 dan 17 gacha tarbiyachi o`yinlar tashkil etadi, bahor, kuz paytlarida esa katta yoshli bolalar guruhini sayrga olib chiqadi. Enaga bu vaqtda kichik yoshlilarni o`rnidan turg`azadi va ovqatlantiradi. Tarbiyachi soat 17.50 da sayrdan qaytadi, bolalar o`yinini tashkil qiladi, bolalarni olib ketgani kelgan ota-onalar bilan suhbatlashadi.
Rejim jarayonlarini tashkil etishda quyidagi qoidalarga asoslaniladi: sog`lomlashtirish va tarbiyaviy ishlarning birligini ta'minlash: bolada unga og`zaki murojaat qilish yo`li bilan keyingi harakatlarga yo`l-yo`riqlar ko`rsatish; barcha rejim jarayonlarini kattalarning bolalar bilan yakka tarzda, qolaversa, birmuncha ko`proq muloqoti bilan olib borish. Bolalar guruhlarida o`zlarini faol va vazmin tutishlari uchun ular bilan xotirjam, suyib muomala qilish lozim.