Mavzu: Mehnat tarbiyasida xalq og‗zaki ijodining o ‗rni

Mehnat yediradi, hunar kiydiradi 
Qadim zamonlarda bir kishining uchta o„g„li bor ekan. Vaqti-soati kelib, 
otaning qazosi yaqinlashgach, bolalarini yoniga chaqirib, shunday dedi: 
Bolalarim, sizlarga qoldiradigan mol- mulkim, tilla- kumushlarim yo„q. Faqat 
ikki og„iz so„zim bor. Shunga amal qilsangizlar, kamlik tortmay, yaxshi yeb, 
yaxshi kiyib yurasizlar, debdi. «Uyquni shirin qilib uxlanglar, ovqatni shirin qilib 
yenglar», - debdi-da omonatini topshiribdi. Bu gapni katta va o„rtancha o„g„il bir 
xil tushunishibdi, kenja o„g„li esa boshqa narsani o„qibdi. Katta o„g„il hovlisiga 
suv septirib, daraxt tagidagi supaga qalin joyni to„shab, vaqti-vaqti bilan 
yonboshlab, otam aytganidek «Uyquni shirin qilish kerak», deb, ustma-ust 
ovqatlar qildirib, «Otam aytganidek, ovqatni shirin qilib yeyish shu-da», deya 
turli xil taomlar tanovvul qilib yuraveribdi. O„rtancha o„g„il ham akam otamning 
aytganini o„rniga qo„ydi, men ham shunday qilaman, -deb u ham «Ovqatni shirin 
qilib, uyquni shirin qilib» yashayveribdi. U yoqqa ag„anab, bu yoqqa ag„anab, 
yeb, ichib, yegan ovqatining ham, uxlagan uyqusining ham mazasini bilmay 
yuraveribdi.
Bora-bora aka-ukaning yeyishga ovqati-yu, kiyishga kiyimi, yotishga 
ko„rpasi qolmay, nochor ahvolga tushib qolishibdi. 
Kenja o„g„il temirchilik hunarini o„rganibdi. U ishlab, horib-charchab, 
kelganda yegan qattiq noni-yu, ichgan suvi borgansari shirin ta‟tiyveribdi, ustiga -
ustak davlati ziyoda bo„lib, ketaveribdi. 
«Mehnat yediradi, hunar kiydiradi» degani shu bo„lsa kerak. 
Bugungi kunda xalq og„zaki ijodiga mehr-muhabbat ruhida tarbiyalash 
yordamida, o„quvchilarda kasb egalariga mehr-muhabbat bilan qarash, ularni 
hurmat qilish, insonning moddiy farovonligini yuksaltirish va kishilarda yuksak 
ma‟naviy fazilatlarni rivojlantirishga g„amxo„rlik qilish haqidagi bilim, ko„nikma 
va malakalarini shakllantirish kasb tanlashning asosiy negizini tashkil etadi. 
Hozirgi davr talabi o„quvchilarni hayotga har tomonlama tayyor qilib borishdir. 

---

Buning uchun birinchi navbatda, yuksak darajada bilimga ega bo„lishi, ikkinchi
navbatda, g„oyaviy-siyosiy jihatdan savodxon bo„lishi, uchinchi navbatda esa,
Vatanga muhabbat tuyg„usini shakllantirish, ma‟rifatli, madaniyatli kasb egasi
bo„lib yetishishlarini ta‟minlash, yoshlarni aqlan-jismonan sog„lom bo„lishi
uchun ijtimoiy-iqtisodiy muhit yaratish hamda ta‟lim-tarbiyaning samarali
tizimlarini yaratishni talab etiladi.